କଟକ ଅଫିସ୍,୧୦ା୪: କରୋନା ମହାମାରୀରୁ ସୁରକ୍ଷା ନିମନ୍ତେ ଗଠନ କରାଯାଇଥିବା ପ୍ରଧାନମନ୍ତ୍ରୀ ରିଲିଫ ପାଣ୍ଠି ‘ପିଏମ କେୟାର’ କୁ ଦ୍ବିତୀୟ ଶ୍ରେଣୀରେ ପାଠ ପଢୁଥିବା ଛାତ୍ର ତାପସ ଷଡ଼ଙ୍ଗୀ ୩ହଜାର ଟଙ୍କା ପ୍ରଦାନ କରିଛନ୍ତି। ଫୁଲନଖରା ନିକଟବର୍ତ୍ତୀ ଜୋହଳ ଭୀମପୁର ଗ୍ରାମର ତପନ ଷଡ଼ଙ୍ଗୀ ଏବଂ ଦୂର୍ଗାବତୀ ଷଡ଼ଙ୍ଗୀଙ୍କ ଏକମାତ୍ର ପୁତ୍ର ତାପସଙ୍କ ଗତ ମାସରେ ବ୍ରତଘର ହୋଇଥିଲା। ବ୍ରତଘର ସମୟରେ ପାଇଥିବା ଉପହାର ଅର୍ଥରୁ କିଛି ଦେଶ ପାଇଁ ଦାନ କରିବା ନିମନ୍ତେ ସେ ମନବଳାଇ ଥିଲେ। ଭୁବନେଶ୍ୱରସ୍ଥିତ ସେଣ୍ଟ ଜାଭିୟର ସ୍କୁଲରେ ଷ୍ଟାଣ୍ଡାର୍ଡ଼ ଦୁଇରେ ପାଠ ପଢୁଥିବା ତାପସ ଜଣେ ମେଧାବୀ ଛାତ୍ର। ନିକଟରେ ଜୀ ସାର୍ଥକ ଟିଭିରେ ପ୍ରସାରିତ ‘ବେଷ୍ଟ ଡ୍ରାମେବାଜ’ କାର୍ଯ୍ୟକ୍ରମରେ ସେ ଭାଗନେଇ ଫାଇନାଲ ରାଉଣ୍ଡରେ ପହଞ୍ଚତ୍ ଦର୍ଶକଙ୍କ ଦୃଷ୍ଟି ଆକର୍ଷଣ କରିଥିଲେ।
