ବ୍ରହ୍ମପୁର ଅଫିସ,୨୫ା୩-ବ୍ରହ୍ମପୁର ମହାନଗରର ପ୍ରତି ୱାର୍ଡରେ ଠେଲା ଗାଡ଼ି ନେଇ ଏସ୍ଏଚଜି ମହିଳାମାନେ ଗୁରୁବାରୁ ଆଳୁ, ପିଆଜ ବିକିବେ ବିକ୍ରି କରିବେ। ଏହି ବ୍ୟବସ୍ଥା ବିଏମ୍ସି ପକ୍ଷରୁ ଆରମ୍ଭ ହୋଇଛି। କରୋନା ସଂକ୍ରମଣ ନିୟନ୍ତ୍ରଣ ପାଇଁ ସରକାର ଲକ୍ ଡାଉନ କରିଛନ୍ତି । ଲୋକଙ୍କୁ ଅତ୍ୟାବଶ୍ୟକ ଖାଉଟି ସାମଗ୍ରୀ କିଣିବା ନିମନ୍ତେ ତେଜରାତି ଦୋକାନ ଓ ପନିପରିବା ଲାଗି ଭେଣ୍ଡିଂ ଜୋନ ସକାଳ ୭ରୁ ମଧ୍ୟାହ୍ନ ୧୨ଟା ପର୍ଯ୍ୟନ୍ତ ଖୋଲା ଯିବା ପାଇଁ ପ୍ରଶାସନର ନିର୍ଦ୍ଦେଶ ରହିଛି। କେତେକ ବ୍ୟବସାୟୀ ଆଳୁ ଓ ପିଆଜର ଦରବୃଦ୍ଧି କରିବାରେ ଲାଗିଛନ୍ତି। ପ୍ରଶାସନର ଗାଇଡ ଲାଇନ୍ ଲୋକେ ମାନୁ ନ ଥିବାରୁ ସବୁଠି ନାହିଁ ନ ଥିବା ଗହଳି ହେଉଛି। ବିକଳ୍ପ ବ୍ୟବସ୍ଥା ପାଇଁ ଏଭଳି ନିଷ୍ପତ୍ତି ନିଆଯାଇଛି।
