ବାସୁଦେବପୁର,୧୯।୧୦(ଡି.ଏନ୍.ଏ.): ବାସୁଦେବପୁର ଭାଜପା ଶାଖା ପକ୍ଷରୁ ଗାନ୍ଧୀ ସଙ୍କଳ୍ପ ପଦଯାତ୍ରା ଶନିବାରଠାରୁ ଲବଣତୀର୍ଥ ଚୁଡ଼ାମଣିରୁ ଆରମ୍ଭ ହୋଇ ରକ୍ତତୀର୍ଥ ଇରମ ଶହୀଦ ପୀଠରେ ଶେଷ ହୋଇଛି। ସକାଳେ ଦଳୀୟ କର୍ମୀମାନେ ଚୁଡ଼ାମଣି ସ୍ମୃତିସ୍ତମ୍ଭରେ ମାଲ୍ୟାର୍ପଣ କରିବା ପରେ ପଦଯାତ୍ରା ଆରମ୍ଭ ହୋଇଥିଲା। ଅଭିମନ୍ୟୁ ସେଠୀ ଏହାକୁ ଶୁଭାରମ୍ଭ କରିବା ପରେ ଭଦ୍ରକ ଲୋକ ସଭା ନିର୍ବାଚନମଣ୍ଡଳୀ ନେତା ମାଧବାନନ୍ଦ ମଲିକ, ପୂର୍ବତନ ନଗରପାଳ ପଞ୍ଚାନନ ସେନାପତି, ଜିଲା ସାଧାରଣ ସମ୍ପାଦକ ମଧୁସୂଦନ ପାଢ଼ୀ, ଉଦୟ ନାରାୟଣ ମଲ୍ଲିକ, ନିର୍ମଳ ପଣ୍ଡା, ମାୟାଧର ଦାସ ପ୍ରମୁଖଙ୍କ ସହ ଶହେରୁ ଊର୍ଦ୍ଧ୍ୱ କର୍ମୀ ସାମିଲ ହୋଇଥିଲେ। ଏହାପରେ ଆୟୋଜିତ ପଥପ୍ରାନ୍ତ ସଭାରେ ଗାନ୍ଧୀଜୀଙ୍କ ଆଦର୍ଶ ସମ୍ପର୍କରେ ଆଲୋଚନା କରାଯାଇ ଅହିଂସାକୁ ଅଗ୍ରାଧିକାର ଦେବାକୁ ଅତିଥିମାନେ ମତ ରଖିଥିଲେ।
