ନୂଆଦିଲ୍ଲୀ,୧୧।୨: ଦିଲ୍ଲୀ ବିଧାନସଭା ନିର୍ବାଚନର ଫଳାଫଳ ଉପରେ ଏବେ ସାରା ଦେଶର ନଜର। ମଙ୍ଗଳବାର ଭୋଟ ଗଣତି ଆରମ୍ଭ ହୋଇଥିବା ବେଳେ ଏବେ ପ୍ରାୟ ସବୁଦଳ ବିଜୟ ଲାଭ କରିବାକୁ ଆଶା ବାନ୍ଧି ବସିଛନ୍ତି। ଆମ ଆଦମୀ ପାର୍ଟି(ଏଏପି) ଓ ଭାରତୀୟ ଜନତା ପାର୍ଟି(ଭାଜପା) ମଧ୍ୟରେ କଡା ଟକ୍କର ହେଉଥିବା ବେଳେ ଏବେ ଏହାକୁ ନେଇ ଭିନ୍ନ ଭିନ୍ନ ପ୍ରତିକ୍ରିୟା ଆସୁଛି। ଏବେସୁଦ୍ଧା ଏଏପି ୫୦ ଆସନରେ ଆଗରେ ଥିବା ବେଳେ ଭାଜପା ମାତ୍ର ୧୮ ଆସନରେ ଆଗରେ ରହିଛି। ଏହାକୁ ନେଇ ଭାଜପାର ଦିଲ୍ଲୀ ମୁଖ୍ୟ ମନୋଜ ତିଓ୍ବାରୀ କହିଛନ୍ତି ଫଳଫଳ ଘୋଷଣା ହେବାକୁ ଆହୁରି ସମୟ ବାକି ରହିଛି। ୁ ଶେଷ ସମୟରେ ଏହା କିଛି ବି ହୋଇପାରେ ବୋଲି କୁହାଯାଉଛି। ତେଣୁ ଭାଜପାର ବିଜୟ ଲାଭ ଅବା ପରାଜୟ ପାଇଁ ମୁଖ୍ୟ ହିସାବରେ ମୁଁ ଦାୟୀ ରହିବି ବୋଲି ମନୋଜ କହିଛନ୍ତି। ସୂଚନାଯୋଗ୍ୟ, ଏକ୍ଜିଟ୍ ପୋଲ୍ର ଆକଳନ ଅନୁଯାୟୀ, ଏଥର ଏଏପି ପୁଣିଥରେ ସରକାର ଗଠନ କରିବ ବୋଲି ଅନୁମାନ କରାଯାଇଛି।
