ଭୁବନେଶ୍ୱର,୧୪-୧୧(ବ୍ୟୁରୋ): ଭାରତ ମସଲା ପକ୍ଷରୁ ବାଲିଯାତ୍ରାରେ ଏକ କର୍ପୋରେଟ ଷ୍ଟଲ ସ୍ଥାପନ କରାଯାଇଛି। ପ୍ରଥମ ଥର ଲାଗି ଏଭଳି ଏକ ଆକର୍ଷଣୀୟ ଷ୍ଟଲ କମ୍ପାନୀ ପକ୍ଷରୁ ସ୍ଥାପନ କରାଯାଇଥିବା ବେଳେ ଏହାକୁ ଜିଲା ଶିକ୍ଷା ଅଧିକାରୀ ନିରଞ୍ଜନ ବେହେରା ଉଦ୍ଘାଟନ କରିଥିଲେ। ଗ୍ରାହକଙ୍କ ଚାହିଦା ଏବଂ ଭଲପାଇବାକୁ ଧ୍ୟାନରେ ରଖି ଏଭଳି ପଦକ୍ଷେପ ଗ୍ରହଣ କରାଯାଇଥିବା କମ୍ପାନୀର ଏମ୍ଡି ସୁଶାନ୍ତ କୁମାର ପଣ୍ଡା କହିଛନ୍ତି। ମେଳାରେ ଭାରତ ମସଲାର ବ୍ୟବସାୟିକ ଷ୍ଟଲଗୁଡିକରେ ଗ୍ରାହକମାନେ ପ୍ରଡକ୍ଟ କ୍ରୟ କ୍ଷେତ୍ରରେ ରିହାତି ଲାଭ କରିପାରିବେ ବୋଲି ପଣ୍ଡା ସୂଚନା ଦେଇଛନ୍ତି। ଏହି ଅବସରରେ କମ୍ପାନୀର ଅଧ୍ୟକ୍ଷ ସୁରେନ୍ଦ୍ର ନାଥ ପଣ୍ଡା, ଉପଦେଷ୍ଟା ପ୍ରଫୁଲ୍ଲ ସିଂ, ମହାପ୍ରବନ୍ଧକ ଅରୁଣ ନାୟକ ଏବଂ ପ୍ରଦୀପ ସାହୁ ପ୍ରମୁଖ ଉପସ୍ଥିତ ଥିଲେ।
