ନୂଆଦିଲ୍ଲୀ,୨୧।୮(ପିଟି): ଓ୍ବେଷ୍ଟଇଣ୍ଡିଜ ବିପକ୍ଷ ଦୁଇ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ସହ ଭାରତୀୟ ଦଳ ତା’ର ବିଶ୍ୱ ଟେଷ୍ଟ ଚାମ୍ପିୟନଶିପ ଅଭିଯାନ ଆରମ୍ଭ କରିବ। ଏହି ବିଶ୍ୱ ସ୍ତରୀୟ ଟେଷ୍ଟ ଇଭେଣ୍ଟ ଲାଗି ଭରତୀୟ ଦଳର ଇନ୍ଷ୍ଟାଗ୍ରାମ ପେଜରେ ଜର୍ସି ଉନ୍ମୋଚିତ ହୋଇଛି। ଭାରତୀୟ ଅଧିନାୟକ ବିରାଟ କୋହଲି ଚିରାଚରିତ ୧୮ ନଂ ଜର୍ସି ପରିିଧାନ କରିବେ। ସେହିଭଳି ଉପଅଧିନାୟକ ଅଜିଙ୍କ୍ୟ ରାହାନେ ୩, ଚେତେଶ୍ୱର ପୂଜାରା ୨୫, ମହମ୍ମଦ ସାମି ୧୧, କୁଲଦୀପ ଯାଦବ ୨୧ ଓ ରବିଚନ୍ଦ୍ରନ ଅଶ୍ୱିନ ୯୯ ନଂ ଥିବା ଜର୍ସି ପିନ୍ଧିବେ। ଅଲରାଉଣ୍ଡର ରବୀନ୍ଦ୍ର ଜାଡେଜା, ରୋହିତ ଶର୍ମା, ଈଶାନ୍ତ ଶର୍ମା, ରିଷଭ ପନ୍ତ ଓ ହନୁମା ବିହାରୀଙ୍କ ଜର୍ସିର ପଛ ଭାଗରେ ଯଥାକ୍ରମେ ୮, ୪୫, ୯୭, ୧୭ ଓ ୪୪ ନଂ ରହିଛି। କ୍ରିକେଟର ଲମ୍ବା ଫର୍ମାଟର ଲୋକପ୍ରିୟତା ବୃଦ୍ଧି କରିବା ଲାଗି ଆଇସିସି ପକ୍ଷରୁ ଏଭଳି ନିଷ୍ପତ୍ତି ନିଆଯାଇଛି। ତେବେ ଏହାକୁ ବ୍ରେଟ ଲି, ଶୋଏବ ଆଖତର, କେଭିନ ପିଟରସନଙ୍କ ଭଳି ବହୁ ପୂର୍ବତନ ଖେଳାଳି ବିରୋଧ କରିଛନ୍ତି।
