ଝାରସୁଗୁଡ଼ା ଅଫିସ,୨୯ା୩: ‘ଭିଡ୍ ବୁଲାତି ହୈ ମଗର ଯାନେକା ନେହିଁ, ଘରେ ରୁହନ୍ତୁ ସୁସ୍ଥ ରୁହନ୍ତୁ, ଭିଡରୁ ଦୂରରେ ରୁହନ୍ତୁ, ନିୟମିତ ହାତ ଧୁଅନ୍ତୁ, କରୋନାଠୁ ଯଦି ବଞ୍ଚିବାର ଅଛେ ଘରେ ରୁହ। ଏ ଭଳି ବିଭିନ୍ନ ସ୍ଲୋଗାନ ଲେଖି ଚିତ୍ର ଆଙ୍କି ଲୋକଙ୍କୁ ସଚେତନ କରୁଛନ୍ତି ଝାରସୁଗୁଡ଼ା ସହର ବୁରୋମାଲ ଅଞ୍ଚଳର ଦୁଇ ଭଉଣୀଭାଇ। ପଞ୍ଚମ ଶ୍ରେଣୀରେ ପଢ଼ୁଥିବା ରିଷି କୁମାର ଦାସ ଓ ତୃତୀୟ ଶ୍ରେଣୀରେ ପଢ଼ୁଥିବା ବୈଷ୍ଣବୀ ଦାସ ଅଭିନବ ଉପାୟରେ ଲୋକଙ୍କୁ ସଚେତନ କରୁଛନ୍ତି। ଲକ୍ଡାଉନ୍ ଯୋଗୁ ସ୍କୁଲ ଛୁଟି ହୋଇଥିବାରୁ ଘରେ ବସି ଟିଭି ଦେଖି ଏଭଳି ଉପାୟ ବାହାର କରିଥିବା ରିଷି କହିଛନ୍ତି। ବୈଷ୍ଣବୀ ସାଦା କାଗଜରେ ଚିତ୍ର ଆଙ୍କୁଥିବା ବେଳେ ରିଷି କଲର ଲଗାଉଛନ୍ତି। ଏବଂ ଏହି କାଗଜଗୁଡିକୁ ନିଜ ଘର ପାଖ ତଥା ସାହି ପଡ଼ିଶାଘରର ବିଭିନ୍ନ କାନ୍ଥରେ ଲଗାଉଛନ୍ତି ଏବଂ ରାସ୍ତାରେ ଯାଉଥିବା ଲୋକଙ୍କୁ ସଚେତନ କରୁଛନ୍ତି। ରିଷିଙ୍କ ହାତ ଭାଙ୍ଗିଥିବା ସତ୍ତ୍ୱେ ଏଭଳି କାର୍ଯ୍ୟ ଭଉଣୀଭାଇ ଜାରି ରଖିଛନ୍ତି। ଘରେ ବସି ଟିଭି ଦେଖୁଥିବା ବେଳେ ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀଙ୍କ ଅନୁରୋଧ ଶୁଣିଥିଲେ ଏବଂ ପରେ ଏହି ଉପାୟ ବାହାର କରି ଲୋକଙ୍କୁ ସଚେତନ କରୁଥିବା ବୈଷ୍ଣବୀ କହିଛନ୍ତି।
