ଗଣ୍ଡତୁରୁମ, ୬।୧୧(ଡି.ଏନ୍.ଏ.)- ବରଗଡ଼ ଜିଲା ଭେଡ଼େନ ବ୍ଲକ ମହୁଲପାଲି ପଁଚେତ୍ ଅଧୀନ ସଦାନନ୍ଦଟିକ୍ରାବାସୀ ପିଇଲା ପାଏନ୍ ଲାଗି ବଡ଼ା ଗୁଲ୍ଗୁଲା ହେଉଛନ୍। ଗଁ। ରେ ଥିବାର ଗୁଟେବଲି ନଲ୍ଚୁଅଁ। ନୁ ଅସ୍କୁରା ପାଏନ୍ ବାହାରୁଛେ। ବିଭାଗୀୟ ଅଧ୍କାରୀମାନ୍କୁ ଗୁହାରି କଲେ ବି କେହି ନାଇଁ ଶୁନୁଥିବାର ଗଁ।ବାସୀ ଅଭିଯୋଗ କରିଛନ୍।
ସୂଚନା ଅନ୍ସାରେ ସଦାନନ୍ଦଟିକ୍ରାରେ ୩୦ ପରିବାରର ପାଖାପାଖି ୧୫୦ଶହ ଲୋକ୍ ବାସ କରୁଛନ୍। ପିଇଲା ପାଏନ୍ ସୁବିଧା ଲାଗି ଗଁ।ରେ ଗୁଟେ ନଲ୍ଚୁଅଁ। ରହିଛେ। ହେଲେ ସେ ନଲ୍ଚୁଅଁ।ରୁ ଅସ୍କୁରା ପାଏନ୍ ବାହାରୁଛେ। ଯେନ୍ଟାକେ ଗଁ।ବାସୀ ବେଭାର କରି ଅନେକ ସମିଆରେ ନାନା ରୋଗ୍ରେ ପଡ଼ୁଛନ୍। ଏନ୍ତାଥି ଗଁ।ର ଅନେକ ଲୋକ୍ ଖୁର୍ଡ଼ିଆମୁଣ୍ଡା ବଁଧ୍ର ପାଏନ୍କେ ଖାଏବା ପିଇବାରେ ବେଭାର କରୁଛନ୍। ଆରକେତେ ନଲ୍ଚୁଅଁ।ର ଅସ୍କୁରା ପାଏନ୍କେ ବେଭାର କରୁଛନ୍। ଅସ୍କୁରା ପାଏନ୍ ବେଭାର କରି ଭାଙ୍ଗକୁଦ ଗଁ।ରେ ଗଲା ୫ ବଛର ଭିତରେ କିଡ଼୍ନୀ ରୋଗ୍ରେ ୧୪ ଝନ୍ ମଲେନ। ଏନ୍ତାଥି ସଦାନନ୍ଦଟିକ୍ରାରେ ବି ପିଇଲା ପାଏନ୍ ଲାଗି କେତେବେଲେ କିଡ଼୍ନୀ ରୋଗ୍ ବହପିବା ବଲି ଗଁ।ବାସୀ ଭଏଭିତ ଅବସ୍ତାରେ ରହିଛନ୍। ପିଇଲା ପାଏନ୍ ସୁବିଧା ଲାଗି ଗଁ।ବାସୀ ଅନେକ୍ ସମିଆରେ ବିଭାଗୀୟ ଅଧ୍କାରୀମାନକୁ ଗୁହାରି କରି ନିରାଶ ହେଇଥିବାର କହିଛନ୍। ସେନ୍ତା ଗଁ।କେ ଫିଦିନିଅଁ। ରାସ୍ତାଟେ ନଁ।ଇଁନ। ଟ୍ରାକ୍ଟର ଯିବାର ଆଏବାର ହୁରି ରାସ୍ତା
ଗଁ।ବାସୀକର ସାହାଭରସା। ହେଲେ ବରଷା ଦିନେ ଗଁ।ବାସୀକର ଦୁଖ୍ ଦୁଇଗୁନା ହେଇଯାଉଛେ। ଏନ୍ତା କି ଗଁ।ରେ କାହାର ଦିହିପା ଖରାପ ହେଲେ, ଗରଭ୍ବତୀ ମହିଲାକୁଁ ଡାକ୍ତରଖାନା ନେବାକେ ହେଲେ ଖଟେ ବୁହି ମୁଖିଆ ରାସ୍ତା ତକ୍ ନେବାକେ ପଡ଼ୁଛେ। ଗଁ। ଖୁଲିରେ ବିଜଲିବତୀର ବେସ୍ତା ନାଇଁଥିବାର ଲାଗି ବେଲବୁଡତେ ବୁଡ଼ତେ କୁଁ କୁଁ ଅଁଧାର ହେଇଯାଉଛେ। କ୍ଲବ ଘର ଅଭାବୁ ବସାଉଠା, ସାମାଜିକ କାଯ୍ ଲାଗି ଗଁ।ବାସୀ ବଡ଼ଭାରି ଅସ୍ବିଧାର ସାମନା କରୁଛନ୍। ଅନେକ ପରକର ମଉଲିକ ସୁବିଧାରୁ ବଁଚିତ୍ ସଦାନନ୍ଦଟିକ୍ରାବାସୀ ଆଏବାର ଦିନେ ଉଲ୍ଗୁଲାନ ଲାଗି ସଜ୍ବାଜ ହେଉଥିବାର ସୂଚନା ଦେଇଛନ୍।
