ଆବୁଧାବି,୨୯।୪: ଦୁବାଇର ମରୁଭୂମିରେ ୟୁଏଇ ପ୍ରଧାନମନ୍ତ୍ରୀ ମହମ୍ମଦ୍ ବିନ୍ ଶହିଦ୍ ଅଲ୍ ମକତୁମ୍ଙ୍କ ନାମରେ ଏକ ସୋଲାର ପାର୍କ ନିର୍ମାଣ କରାଯାଉଛି। ଏଥିରେ ୯୫ ହଜାର ୨ ଶହ କୋଟି କୋଟି ଟଙ୍କା ଖର୍ଚ୍ଚ ହେବ। ଏହା ୧୩ ଲକ୍ଷ ଘରକୁ ଆଲୋକିତ କରିବ ବୋଲି କୁହାଯାଇଛି। ଏହାର ଉପଯୋଗ ଦ୍ୱାରା ଗ୍ଲୋବାଲ ଓ୍ବାର୍ମିଂରୁ ମୁକ୍ତି ମିଳିବ। ଏହା ୨୦୩୦ ସୁଦ୍ଧା ଶେଷ ହେବାର ସମ୍ଭାବନା ରହିଛି। ଏହାଦ୍ୱାରା କାର୍ବନ ନିର୍ଗମନ ବାର୍ଷିକ ୬୫ ଲକ୍ଷ ଟନ୍ ପର୍ଯ୍ୟନ୍ତ କମ୍ ହୋଇପାରିବ ବୋଲି ୟୁଏଇ ପକ୍ଷରୁ ସୂଚନା ଦିଆଯାଇଛି। ଏହା ୫ ହଜାର ମେଗାଓ୍ବାଟ୍ ବିଦ୍ୟୁତ୍ ଶକ୍ତି ଉତ୍ପାଦନ କରିବାକୁ ସକ୍ଷମ ହେବ। ସମ୍ପ୍ରତି ଚାଇନାରେ ପୃଥିବୀର ସର୍ବବୃହତ୍ ସେଳାର ପାର୍କ ରହିଛି। ଏଠାରୁ ୧୫ଶହ ୪୭ ମେଗାଓ୍ବାଟ୍ ବିଦ୍ୟୁତ୍ ଶକ୍ତି ଉତ୍ପାଦିତ ହୋଇପାରୁଛି।
