ମୁମ୍ବାଇ: ବି-ଟାଉନ୍ର ହଟ୍ କପୁଲ ପାଲଟିଛନ୍ତି ଅର୍ଜୁନ କପୁର ଏବଂ ମଲାଇକା ଅରୋରା। ଉଭୟଙ୍କୁ ସବୁବେଳେ ବିଭିନ୍ନ ପାର୍ଟି ଅଥବା ଡିନର୍ ଡେଟ୍ରେ ଦେଖିବାକୁ ମିଳୁଛି। ଅର୍ବାଜଙ୍କଠାରୁ ଅଲଗା ହେବା ପରେ ମଲାଇକା ଅର୍ଜୁନଙ୍କ ପ୍ରେମରେ ବୋଲି ଚର୍ଚ୍ଚା ମଧ୍ୟ ହେଉଛି। ଅନେକ ସମୟରେ ଉଭୟ ଏହାକୁ ଏଡ଼ାଇ ଯାଆନ୍ତି। କିଛିଦିନ ତଳେ ଉଭୟ ବିବାହ କରିବେ ବୋଲି ଚର୍ଚ୍ଚା ହୋଇଥିଲା। ପରେ ଏହା ଉଡ଼ା ଖବର ବୋଲି ଜଣାପଡ଼ିଥିଲା।
ନିକଟରେ ଏକ ସାକ୍ଷାତକାର ଦେଉଥିବା ସମୟରେ ଅର୍ଜୁନଙ୍କୁ ସମାନ ପ୍ରଶ୍ନ ପଚରାଯାଇଥିଲା। ‘କେବେ ବିବାହ କରିବେ’ ପ୍ରଶ୍ନର ଜବାବରେ ଅର୍ଜୁନ କହିଥିଲେ, ମୁଁ ଜୀବନରେ ଦୌଡ଼ିବାକୁ ପସନ୍ଦ କରି ନ ଥାଏ। ଆପଣମାନେ ମୋ ପାଇଁ ଚିନ୍ତିତ, ସେଥିଲାଗି ଧନ୍ୟବାଦ। ମାତ୍ର ମୁଁ ଯେତେବେଳେ ବିବାହ କରିବି, ସମସ୍ତଙ୍କୁ ଜଣାଇବି। ଏହା ଲୁଚାଇବା କଥା ନୁହେଁ। ଏଣୁ ଲୁଚିବ ନାହିଁ।
ଆଗାମୀ ଦିନରେ ଅର୍ଜୁନଙ୍କ ଫିଲ୍ମ ‘ମୋଷ୍ଟ ଓ୍ବାଣ୍ଟେଡ୍’ ଓ ‘ପାନିପଥ’ ରିଲିଜ ହେବାକୁ ଯାଉଛି। ଯେଉଁଥିପାଇଁ ସେ ବେଶ ଆଶାବାଦୀ ଥିବା ପ୍ରକାଶ କରିଛନ୍ତି।
