ବଡ଼ଦିନ ଅବସରରେ ପ୍ରଶଂସକଙ୍କୁ ଶୁଭେଚ୍ଛା ଜଣାଇବା ପାଇଁ କରିଥିବା ଟୁଇଟ୍ ଯୋଗୁ ପୂର୍ବତନ ପାକିସ୍ତାନ ଅଧିନାୟକ ସୋଏବ ମଲିକଙ୍କୁ ସମାଲୋଚିତ ହେବାକୁ ପଡ଼ିଛି। ସେ ଭାରତ ଓ ପାକିସ୍ତାନ ମ୍ୟାଚ୍ ବେଳର ଏକ ଫଟୋ ସହ ପ୍ରଶଂସକଙ୍କୁ ମେରି ଖ୍ରୀଷ୍ଟମାସର ଶୁଭେଚ୍ଛା ଜଣାଇଥିଲେ, ଯେଉଁଥିରେ ପାକିସ୍ତାନ ଜିତିବା ପରେ ମଲିକ ଖୁସିରେ ପୂର୍ବତନ ଭାରତୀୟ ଅଧିନାୟକ ମହେନ୍ଦ୍ର ସିଂ ଧୋନୀଙ୍କୁ ଚିଡ଼ାଉଛନ୍ତି। ଏହାପରେ ଟିମ୍ ଇଣ୍ଡିଆର ପ୍ରଶଂସକମାନେ ମଲିକଙ୍କ ପଛରେ ପଡ଼ି ଯାଇଥିଲେ। କିଛି ପ୍ରଶଂସକମାନେ ଭାରତ ବିପକ୍ଷ ବିଶ୍ୱକପ୍ ମ୍ୟାଚ୍ରେ ମଲିକ ପ୍ରଥମ ବଲରେ ଆଉଟ୍ ହୋଇଥିବାର ଫଟୋ ଟୁଇଟ୍ କରିଥିବାବେଳେ ଆଉ କିଛି ୨୦୦୭ ଟି୨୦ ବିଶ୍ୱକପ୍ ଫାଇନାଲ ମ୍ୟାଚ୍ ପରର ଦୃଶ୍ୟ ଶେୟାର କରିଛନ୍ତି।
