କୋରାପୁଟ,୭ା୧୧(ଅମିତାଭ ବେହେରା): କୋରାପୁଟ ଶହୀଦ ଲକ୍ଷ୍ମଣ ନାୟକ ମେଡ଼ିକାଲ କଲେଜ ଓ ହସ୍ପିଟାଲର ମାତୃ ଏବଂ ଶିଶୁ ସ୍ବାସ୍ଥ୍ୟକେନ୍ଦ୍ରରେ ଗୁରୁବାର ଏକ ବିରଳ ଅସ୍ତ୍ରୋପଚାର ସଫଳ ହୋଇଛି। ମହିଳାଙ୍କ ପେଟରୁ ୧୫ କେଜି ଓଭାରିଆନ ଟ୍ୟୁମର ବାହାରିଛି।
୨ ଡାକ୍ତରଙ୍କ ସମେତ ୮ ସଦସ୍ୟ ଅସ୍ତ୍ରୋପଚାର କରିଥିଲେ। ଦୀର୍ଘ ୨ ଘଣ୍ଟା ଅପରେଶନ ପରେ ମହିଳାଙ୍କ ପେଟରୁ ଟ୍ୟୁମର ବାହାରିଥିବା ବେଳେ ମହିଳା ସୁସ୍ଥ ଅଛନ୍ତି। ଜୟପୁରର ୪୦ ବୟସ୍କା ମହିଳାଙ୍କ ପେଟ ଫୁଲିବା ସହ କଷ୍ଟ ହେଉଥିଲା।
ଶହୀଦ ଲକ୍ଷ୍ମଣ ନାୟକ ମେଡିକାଲ କଲେଜ ଓ ହସ୍ପିଟାଲର ସ୍ତ୍ରୀ ପ୍ରସୂତି ବିଭାଗର ଡାକ୍ତର ପ୍ରଫେସର ସୂଜାତା ସ୍ବାଇଁ ୮ ଜଣିଆ ଏକ ଟିମ ଗଠନ କରି ସମସ୍ତ ପ୍ରକାର ପରୀକ୍ଷା କରାଯିବା ପରେ ଗୁରୁବାର ମହିଳାଙ୍କ ଅସ୍ତ୍ରୋପଚାର କରିଥିଲେ। ଶହୀଦ ଲକ୍ଷ୍ମଣ ନାୟକ ମେଡିକାଲ କଲେଜ ଓ ହସ୍ପିଟାଲରେ ଏହା ପ୍ରଥମ ଘଟଣା।
