ଦେଓଗାଁ,୧୦ା୪(ଡି.ଏନ.ଏ.): ଦେଶରେ କରୋନା ମହାମାରୀ ରୂପ ଧାରଣ କରିଥିବା ବେଳେ ସରକାର ଲୋକଙ୍କୁ ସଚେତନ ପାଇଁ ବିଭିନ୍ନ ପଦକ୍ଷେପ ନେଉଛନ୍ତି । ଲକଡାଉନ ଯୋଗୁ ଯେଉଁମାନେ ବାହାରକୁ ବାହାରୁଛନ୍ତି ସେମାନେ ମୁହଁରେ ମାସ୍କ ପରିଧାନ କରିବା ବାଧ୍ୟତାମୂଳକ ବୋଲି ଘୋଷଣା କରାଯାଇଛି। ମାସ୍କରର ଚାହିଦାକୁ ଆଖିଆଗରେ ରଖି ବଲାଙ୍ଗୀର ଜିଲା ଦେଓଗାଁ ବ୍ଲକ ବରକାନୀ ଗାଁର କେତେକ ଯୁବକ ନିଜସ୍ବ ଉଦ୍ୟମରେ ମାସ୍କ ତିଆରି କରି ଶୁକ୍ରବାର ଗାଁରେ ସମସ୍ତଙ୍କୁ ବଣ୍ଟନ କରି ସଚେତନବାର୍ତ୍ତା ଦେଇଛନ୍ତି । ସେମାନେ ଗାଁରେ ସଚେତନତା ପୋଷ୍ଟର ଲଗାଇବା ସହ ହାତଧୋଇ ଗାଁ ମଧ୍ୟକୁ ପଶିବାକୁ ଅନୁରୋଧ କରୁଛନ୍ତି । ପ୍ରଥମେ ବରକାନୀ ଓ ମାହାକୁରପାଲି ଗାଁରେ ରହୁଥିବା ୨ହଜାର ଜନସାଧାରଣଙ୍କୁ ମାସ୍କ ଯୋଗାଇ ଦେବା ନିଷ୍ପତ୍ତି ନେଇଛନ୍ତି। ଆଗକୁ ଆଖପାଖ ଗାଁରେ ମଧ୍ୟ ମାସ୍କ ଯୋଗାଇଦେବା ଲକ୍ଷ୍ୟ ରଖିଥିବା ଗାଁର ନୀଳାଞ୍ଚଳ ମେହେର, ଯୁଗେଶ୍ୱର ମେହେର, ମନୋଜ ମେହେର, ବୈଶାଖୁ ମେହେର, ରମେଶ ମେହେର, ଦିନେଶ ମେହେର ଓ ଭାରତ ମେହେର ପ୍ରମୁଖ କହିଛନ୍ତି ।
