ଭୁବନେଶ୍ୱର,୩।୧(ବ୍ୟୁରୋ): କରୋନା ସ୍ଥିତିକୁ ନେଇ ସ୍ବାସ୍ଥ୍ୟ ବିଭାଗର ସ୍ବତନ୍ତ୍ର ସଚିବ ଡ.ଅଜିତ୍ ମହାନ୍ତି ମଙ୍ଗଳବାର ନିଜର ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି, ମାର୍ଚ୍ଚ ଦ୍ୱିତୀୟ କିମ୍ବା ତୃତୀୟ ସପ୍ତାହରେ କରୋନାର ଚତୁର୍ଥ ଲହର ଆସିପାରେ। ତେବେ ଗତ ୨୪ ଘଣ୍ଟାରେ ଚାଇନାରେ ୩ ଲକ୍ଷରୁ ଅଧିକ ଓ ଭାରତରେ ୧୭୩ ନୂଆ କେସ ଚିହ୍ନଟ ହୋଇଛି। ଗତ ୨୪ ଘଣ୍ଟାରେ ଓଡ଼ିଶାରେ କୋରାପୁଟ ଏବଂ ଖୋର୍ଦ୍ଧାରୁ ଗୋଟିଏ ଲେଖାଏ ପଜିଟିଭ ଚିହ୍ନଟ ହୋଇଛି। ସର୍ଭେ ଅନୁଯାୟୀ ଚାଇନାରେ ଏ ପର୍ଯ୍ୟନ୍ତ ପିକ୍ ଆସିନାହିଁ। ହେଲେ ପିକ୍ ବେଳେ ଚାନ୍ରେ ଦୈନିକ ୨୫ ହଜାର ପର୍ଯ୍ୟନ୍ତ ମୃତ୍ୟୁ ଘଟିପାରେ। ଆହୁରି ମଧ୍ୟ ସେ କହିଛନ୍ତି, ଦେଖିବାକୁ ଗଲେ ମାର୍ଚ୍ଚରେ ୪ର୍ଥ ଲହର ଆସିବାର ସମ୍ଭାବନା ରହିଛି। ସେଥିପାଇଁ ଲୋକଙ୍କୁ ଗହଳିପୂର୍ଣ୍ଣ ସ୍ଥାନକୁ ଗଲେ ମାସ୍କ ପିନ୍ଧିବା ସହ ସାମାଜିକ ଦୂରତା ରକ୍ଷା କରିବାକୁ କୁହାଯାଇଛି। ଏଥିସହ ରାଜ୍ୟରେ ୯୦ ପ୍ରତିଶତ ଲୋକ ଡବଲ ଡୋଜ୍ ଟିକା ନେଇସାରିଛନ୍ତି ବୋଲି ସ୍ବତନ୍ତ୍ର ସଚିବ କହିଛନ୍ତି।
