ମାଲକାନଗିରି, ୨୨।୧୦(ଡି.ଏନ୍.ଏ.)- ନବରଙ୍ଗପୁର ଏମ୍ପି ରମେଶ ଚନ୍ଦ୍ର ମାଝି ମାଲକାନଗିରି ଜିଲାର ମାଲକାନଗିରି-କାଲିମେଳା ଜାତୀୟ ରାଜପଥରେ ୪ ଟି ଉଚ୍ଚ ସମ୍ପନ୍ନ ପୋଲ ଓ ମୋଟୁସ୍ଥିତ ସିଲେରୁ ନଦୀରେ ନିର୍ମିତ ପୋଲିକୁ ସଂଯୋଗ ପାଇଁ ଆପ୍ରୋଚ ରାସ୍ତା ନିର୍ମାଣ ପାଇଁ କେନ୍ଦ୍ର ସଡ଼କ ପରିବହନ ଓ ଜାତୀୟ ରାଜପଥ ମନ୍ତ୍ରୀ ନିତିନ ଗଡ଼ଗରୀଙ୍କୁ ମଙ୍ଗଳବାର ଏକ ଦାବି ପତ୍ର ପ୍ରଦାନ କରିଛନ୍ତି। ମାଲକାନଗିରି ଜିଲା ଦେଇ ଯାଇଥିବା ବିଜୟୱାଡ଼ା-ରାଞ୍ଚି କରିଡରର ମୋଟୁସ୍ଥିତ ସିଲେରୁ ନଦୀରେ ଆନ୍ଧ୍ର ସରକାର ଏକ ପୋାଲ ନିର୍ମାଣ କରିଥିବା ବେଳେ ଏହାକୁ ସଂଯୋଗ ପାଇଁ ୩୩୫ ମିଟର ଆପ୍ରୋଚ ରାସ୍ତା ଶୀଘ୍ର ନିର୍ମାଣ କରିବା ପାଇଁ ଗଡଗରୀଙ୍କୁ ମାଝି ଅନୁରୋଧ କରିଛନ୍ତି। ଏଥିସହ ମାଲକାନଗିରିଠାରୁ କାଲିମେଳା ମଧ୍ୟରେ ପୂର୍ବରୁ ନିର୍ମିତ ପୋଲର ଉଚ୍ଚତା କମ୍ ଥିବାରୁ ବର୍ଷା ଦିନେ ଏହି ୪ ଟି ପୋଲ ଉପର ଦେଇ ବନ୍ୟା ଜଳ ପ୍ରବାହିତ ହେଉଥିବାରୁ ଯାନବାହାନ ଚଳାଚଳରେ ବ୍ୟାଘାତ ସୃଷ୍ଟି ହେଉଛି। ତେଣୁ ମାଲକାନଗିରିଠାରୁ କାଲିମେଳା ମଧ୍ୟରେ ଥିବା ଏମ.ଭି-୬୪ ଗ୍ରାମଠାରୁ କାଙ୍ଗୁରୁକୋଣ୍ଡା ଗ୍ରାମ, ପୋଟେରୁ ଗ୍ରାମଠାରୁ ଏମ.ଭି-୬୪ ଗ୍ରାମ, ଏମ.ଭି-୯୦ ଗ୍ରାମଠାରୁ ଏମ.ଭି-୧୨୬ ଗ୍ରାମ ଓ ଏମ.ଭି-୭୨ ଗ୍ରାମଠାରୁ ଏମ.ଭି-୯୬ ଗ୍ରାମ ମଧ୍ୟରେ ଥିବା ନାଳ ଉପରେ ଅଧିକ ଉଚ୍ଚତା ବିଶିଷ୍ଟ ପୋଲ ନିର୍ମାଣ କରିବାକୁ ଅନୁରୋଧ କରିଛନ୍ତି ା ଗଡକରୀ ଶୀଘ୍ର ଏହି ରାସ୍ତା ଓ ପୋଲ ନିର୍ମାଣ ପାଇଁ ପଦକ୍ଷେପ ଗ୍ରହଣ କରିବେ ବୋଲି ମାଝିଙ୍କୁ ପ୍ରତଶ୍ରୁତି ଦେଇଛନ୍ତିି ା
