ଦିଗପହଣ୍ଡି,୨୬ା୫(ଡି.ଏନ.ଏ.)-କରୋନା ପ୍ରଭାବରେ ରାଜ୍ୟରେ ଲକ୍ଡାଉନ୍ କଟକଣା ଜାରି ରହିଛି। ରାଜ୍ୟ ସରକାରଙ୍କ ପକ୍ଷରୁ ସମସ୍ତ ପ୍ରକାର ଉତ୍ସବ ମହୋତ୍ସବ, ବାହାଘର ଓ ସଭାସମିତି ବନ୍ଦ କରାଯାଇଛି। ଏଭଳି ସ୍ଥିତିରେ ଦିଗପହଣ୍ଡି ବ୍ଲକ ପଦ୍ମନାଭପୁର ଗ୍ରାମରେ ଅନୁଷ୍ଠିତ ହୋଇଛି ନିଆରା ବାହାଘର। ଗ୍ରାମ ନୀଳକଣ୍ଠ ନଗରରେ ରହୁଥିବା ଆନନ୍ଦ ମହାରଣାଙ୍କ ପୁଅ ମଙ୍ଗୁଳୁ ଲକ୍ଡାଉନ୍ କଟକଣା ନିୟମ ପାଳନ ସହ ସାମାଜିକ ଦୂରତ୍ୱ ରକ୍ଷା କରି ବ୍ରହ୍ମପୁର ନିକଟ ବୋରିଗଁାର ସୁନୀତା ମହାରଣାଙ୍କୁ ବିବାହ କରିଛନ୍ତିି। ଏହି ନବଦମ୍ପତି ଦ୍ୱୟ ବର୍ତ୍ତମାନ କରୋନା ଭଳି ବିପର୍ଯ୍ୟୟ ସମୟରେ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିକୁ ୧୦ ହଜାର ଟଙ୍କାର ଅର୍ଥରାଶି ପ୍ରଦାନ କରିଛନ୍ତି। ଦିଗପହଣ୍ଡି ବ୍ଲକ ସହକାରୀ ଯନ୍ତ୍ରୀ ଇଂ.ଗଙ୍ଗାଧର ଲେଙ୍କା ମଙ୍ଗୁଳୁଙ୍କ ବାସଭବନରେ ପହଞ୍ଚି ସରପଞ୍ଚଙ୍କ ଉପସ୍ଥିତିରେ ୧୦ ହଜାର ଟଙ୍କାର ଚେକ୍ ଗ୍ରହଣ କରିଥିଲେ।
