ମୁଖ୍ୟମନ୍ତ୍ରୀଙ୍କ ରୋଡ ଶୋ’ ବେଳେ ଅଣ୍ଡାମାଡ଼ ଘଟଣା: ଅଟକ ବାଳଗୋପାଳଙ୍କ ସମେତ ୧୪ଜଣଙ୍କୁ ଛାଡ଼ିଲା ପୋଲିସ
3:32 amApril 17, 2019June 11, 2020 / 21

ବଲାଙ୍ଗୀର ଅଫିସ,୧୭ା୪: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସୋମବାର ବଲାଙ୍ଗୀର ଜିଲାରେ ମାରାଥନ୍‌ ରୋଡ ଶୋ’ କରିବା ସମୟରେ ଆଗଲପୁର ବ୍ଲକ ସାଲେଭଟାଠାରେ କଳାପତାକା ପ୍ରଦର୍ଶନ ଓ ଅଣ୍ଡାମାଡ ଘଟଣା ଘଟିଥିଲା। ଏହି ଘଟଣାରେ ପୂର୍ବତନ ଏମ୍‌ପି ବାଳଗୋପାଳ ମିଶ୍ର ଓ ତାଙ୍କ ପୁଅ ଆକାଶ ମିଶ୍ରଙ୍କ ସମେତ ୧୪ଜଣଙ୍କୁ ପୋଲିସ ଅଟକ ରଖି ପଚରାଉଚରା କରିଥିଲା। ତେବେ ମଙ୍ଗଳବାର ସମସ୍ତ ଅଟକଙ୍କୁ ଛାଡି ଦିଆଯାଇଛି। ଏହି ଘଟଣାକୁ ନେଇ ଲୋଇସିଂହା ଥାନାରେ ଏକ ମାମଲା ରୁଜୁ କରାଯାଇଥିବା ଏସପି କେ. ଶିବା ସୁବ୍ରମଣି ସୂଚନା ଦେଇଛନ୍ତି।
ସୋମବାର ମୁଖ୍ୟମନ୍ତ୍ରୀ ପଟ୍ଟନାୟକ ଏକ ସ୍ବତନ୍ତ୍ର ବସ୍‌ରେ ରୋଡ ଶୋ କରି ରାତି ପ୍ରାୟ ୯ଟାରେ ଲୋଇସିଂହା ନିର୍ବାଚନମଣ୍ଡଳୀର ସାଲେଭଟାଠାରେ ପହଞ୍ଚତ୍ଥିଲେ। ମୁଖ୍ୟମନ୍ତ୍ରୀଙ୍କ ସ୍ବତନ୍ତ୍ର ବସ ସାଲେଭଟା ପହଞ୍ଚତ୍ବା
ପରେ ପୂର୍ବତନ ଏମ୍‌ପି ବାଳଗୋପାଳ ମିଶ୍ରଙ୍କ ଘର ନିକଟରୁ କେତେକ ଲୋକ ଅଣ୍ଡା ଫିଙ୍ଗିଥିଲେ। ତେବେ ଫିଙ୍ଗା ଯାଇଥିତ୍ବା ଅଣ୍ଡା ମୁଖ୍ୟମନ୍ତ୍ରୀଙ୍କ ଗାଡିରେ ନ ବାଜି କାରକେଡରେ ଥିବା ଗାଡିରେ ବାଜିଥିଲା। ପରେ କେତେକ କାରକେଡ ଗାଡି ଉପରକୁ ଟେକାମାଡ କରାଯାଇଥିଲା। ଏହି ଟେକାମାଡରେ ଗୋଟିଏ ପୋଲିସ ଗାଡି ସମେତ ୪ଟି ଘରୋଇ ଗାଡି କାଚ ଭାଙ୍ଗିଥିଲା।