ଅଧିକାଂଶ ସମୟରେ ମୂଳାକୁ ସାଲାଡ ଭାବେ ଖିଆଯାଇଥାଏ। କିନ୍ତୁ ଏମିତି କିଛି ଖାଦ୍ୟ ଅଛି ଯାହାକୁ ଏକାଠି ଖାଇବା କ୍ଷତିକାରକ ବୋଲି କୁହାଯାଏ। ବିଶେଷ କରି ମୂଳାକୁ କେତେଗୁଡିଏ ଖାଦ୍ୟ ସହ ଖାଇବାକୁ ଆୟୁର୍ବେଦରେ ବାରଣ କରାଯାଇଛି।
କ୍ଷୀର: ମୂଳା ବା ମୂଳାରେ ପ୍ରସ୍ତୁତ ଯେ କୌଣସି ଖାଦ୍ୟକୁ କ୍ଷୀର ସହ ଖାଇବା ଅନୁଚିତ୍। କାରଣ କ୍ଷୀର ସହ ଲୁଣ ଅବା ଖଟା ଖାଇବାକୁ ଯେମିତି ବାରଣ କରାଯାଇଥାଏ ଠିକ୍ ସେମିତି ମୂଳା ଖାଇବାକୁ ମଧ୍ୟ ବାରଣ କରାଯାଏ। କାରଣ ମୂଳା ଓ କ୍ଷୀର ଏକାଠି ମିଶିଲେ ଶରୀରରେ ବିଷକ୍ରିୟା ସୃଷ୍ଟି କରିଥାଆନ୍ତି। ତେଣୁ ମୂଳା ଖାଇବାର ଅତିକମ୍ରେ ୨ ଘଣ୍ଟା ପରେ କ୍ଷୀର ଖାଇବା ଭଲ। ନଚେତ୍ ଏହା ଚର୍ମ ରୋଗ ସୃଷ୍ଟି କରିଥାଏ।
ସନ୍ତରା: ମୂଳା ସହ ସନ୍ତରା ଖାଇବା ଅନୁଚିତ୍। ଏହାକୁ ଏକାଠି ଖାଇଲେ ପେଟ ସମସ୍ୟା ଦେଖାଦେଇଥାଏ।
କଲରା: ମୂଳା ସହ କଲରା ଖାଇଲେ ହୃଦରୋଗ ସମ୍ଭାବନା ବୃଦ୍ଧି ପାଇଥାଏ। ଏହାସହ ଶ୍ୱାସପ୍ରଶ୍ୱାସ ସମ୍ପର୍କିତ ସମସ୍ୟା ମଧ୍ୟ ବୃଦ୍ଧି ପାଇଥାଏ ବୋଲି ଆୟୁର୍ବେଦରେ ବର୍ଣ୍ଣନା କରାଯାଇଛି।
