ମୁମ୍ବାଇ: ବଲିଉଡ୍ ନାୟିକା ବିଦ୍ୟା ବଲାନଙ୍କ ବହୁ ପ୍ରତିକ୍ଷିତ ଫିଲ୍ମ ‘ଶକୁନ୍ତଳା ଦେବୀ-ହ୍ୟୁମାନ କମ୍ପ୍ୟୁଟର’ ଆସନ୍ତା ବର୍ଷ ଅର୍ଥାତ୍ ୨୦୨୦ ମେ ୮ରେ ପରଦାକୁ ଆସିବ ବୋଲି ଜଣାପଡିଛି। ବିଦ୍ୟା ଏକ ଭିଡିଓ ମାଧ୍ୟମରେ ମ୍ୟାଥ ରିଡିଲ ସହ ଫିଲ୍ମ ରିଲିଜ୍ର ତାରିଖ ନିଜ ଇନଷ୍ଟାଗ୍ରାମରେ ଜଣାଇଛନ୍ତି। ଏଥିରେ ଶକୁନ୍ତଳା ଦେବୀଙ୍କ ବିଚକ୍ଷଣ ପ୍ରତିଭାକୁ ସ୍ଥାନିତ କରାଯାଇଛି। ‘ମେଣ୍ଟାଲ କାଲକୁଲେର’ଭାବେ ପରିଚିତ ଶକୁନ୍ତଳା ଦେବୀଙ୍କର ଏହି ପ୍ରତିଭା ମାତ୍ର ୫ ବର୍ଷ ବୟସରୁ ଜଣାପଡିଯାଇଥିଲା। ଯେତେବେଳେ ସେ ୫ ବର୍ଷ ବୟସରେ ୧୮ ବର୍ଷ ପିଲାଙ୍କ ଗଣିତକୁ ଅତି ସହଜରେ ସମାଧାନ କରିପାରୁଥିଲେ। ଏହି ବାୟୋପିକ୍ ଫିଲ୍ମରେ ସାନ୍ୟା ମାଲହୋତ୍ରା ଓ ଜିସୁ ସେନଗୁପ୍ତାଙ୍କୁ ମଧ୍ୟ ଦେଖିବାକୁ ମିଳିବ।
