ନୂଆଦିଲ୍ଲୀ, ୩୧।୫: ନରେନ୍ଦ୍ର ମୋଦି ଲଗାତାର ଦ୍ୱିତୀୟଥର ପାଇଁ ପ୍ରଧାନମନ୍ତ୍ରୀ ଭାବେ ଶପଥ ନେଇଛନ୍ତି। ମୋଦିଙ୍କ ମନ୍ତ୍ରିମଣ୍ଡଳରେ ୫୭ ଜଣ ସଦସ୍ୟ ସ୍ଥାନ ପାଇଥିଲାବେଳେ ଏମାନଙ୍କ ମଧ୍ୟରେ ୨୪ ଜଣ କ୍ୟାବିନେଟ ପାହ୍ୟା, ୨୪ ରାଷ୍ଟ୍ର ପାହ୍ୟା ଏବଂ ୯ଜଣଙ୍କୁ ରାଷ୍ଟମନ୍ତ୍ରୀ(ସ୍ବାଧୀନ) ଭାବେ ନିଆଯାଇଛି। ମାତ୍ର ୬ଜଣ ମହିଳା ମୋରଦିଙ୍କ ଟିମ୍ରେ ସାମିଲ୍ ଅଛନ୍ତି। ସେମାନଙ୍କ ମଧ୍ୟରୁ ୩ଜଣଙ୍କୁ କ୍ୟାବିନେଟ୍ ପାହ୍ୟା ମିଳିଥିବାବେଳେ ବାକି ୩ଜଣଙ୍କ ରାଷ୍ଟ୍ର ମନ୍ତ୍ରୀ ପାହ୍ୟା ମିଳିଛି। ୨୦୧୪ରେ ମୋଦି ସରକାରରେ ୧୦ ଜଣ ମହିଳା ସାମିଲ ଥିଲେ। କ୍ୟାବିନେଟରେ ୭ ଜଣ ମହିଳା ରହିଥିଲେ। ମୋଦି-୨ ସରକାରରେ ନିର୍ମଳା ସୀତାରମଣ, ସ୍ମୃତି ଇରାନୀ ଓ ହର୍ସିମିତ କୌର ବାଦଲଙ୍କ କ୍ୟାବିନେଟ୍ ପାହ୍ୟା ଦିଆଯାଇଛି। ସ୍ବାଧୀ ନିରଞ୍ଜନ ଜ୍ୟୋତି, ରେଣୁକା ସିଂ ସାରୁତା ଏବଂ ଦେବାଶ୍ରୀ ଚୌଧୁରୀଙ୍କ ରାଷ୍ଟ୍ର ପାହ୍ୟା ମିଳିଛି।
