ନୂଆଦିଲ୍ଲୀ,୨୭।୪: କରୋନା ମହାମାରୀ ସଂକ୍ରମଣ ଯୋଗୁ ଭାରତରେ ସଙ୍କଟ ଦେଖାଦେଇଛି। ଏପରିସ୍ଥଳେ ଦେଶର ଅର୍ଥନୀତିରେ ସୁଧାର ଆଣିବା ପାଇଁ ଭାରତୀୟ ରିଜର୍ଭ ବ୍ୟାଙ୍କ(ଆର୍ବିଆଇ) ପକ୍ଷରୁ ୫୦ ହଜାର କୋଟି ଟଙ୍କାର ସ୍ବତନ୍ତ୍ର ନଗଦ ଘୋଷଣା କରାଯାଇଛି। ଏହାଦ୍ୱାରା ମ୍ୟୁଚୁଆଲ୍ ଫଣ୍ଡ୍ ଉପରେ ପଡୁଥିବା ଚାପ ହ୍ରାସ ପାଇବ ବୋଲି କୁହାଯାଉଛି। ଆର୍ବିଆଇର ଏହି ପ୍ରୟାସକୁ ପୂର୍ବତନ ଅର୍ଥମନ୍ତ୍ରୀ ପି. ଚିଦାମ୍ବରମ୍ ସ୍ବାଗତ କରିଛନ୍ତି। ଏହା ଅନୁସାରେ ବିଭିନ୍ନ ବ୍ୟାଙ୍କ ଆର୍ବିଆଇର ରେପୋ ଓ୍ବିଣ୍ଡୋଠାରୁ ୯୦ ଦିନର ଫଣ୍ଡ୍ ନେଇ ପାରିବେ। ତେବେ ଏହାର ଉପଯୋଗ କେବଳ ମ୍ୟୁଚୁଆଲ୍ ଫଣ୍ଡ୍ରେ କରାଯାଇପାରିବ। ଏହି ଯୋଜନା ଏପ୍ରିଲ୍ ୨୭ଠାରୁ ମେ ୧୧ ପର୍ଯ୍ୟନ୍ତ ଜାରି ରହିବ ବୋଲି ଆର୍ବିଆଇ ପକ୍ଷରୁ କୁହାଯାଇଛି।
