ଆନନ୍ଦପୁର,୭।୬(ସ୍ବ.ପ୍ର.): ସଂଘବଦ୍ଧ ଆକ୍ରମଣ ଘଟଣାରେ ୪ଜଣଙ୍କୁ ଗିରଫ କରିଛି ପୋଲିସ। ଘସିପୁରା ଥାନା ରେକୁଟିଆର ଧଳିଆପାଣିଠାରେ ଦେଓଗାଁର ରାଜୀବ ଲୋଚନ ଜେନାଙ୍କୁ ସଂଘବଦ୍ଧ ଆକ୍ରମଣ କରାଯାଇଥିଲା। ପୂର୍ବ ରାଜନୈତିକ ଶତ୍ରୁତାକୁ କେନ୍ଦ୍ର କରି ଏଭଳି ଘଟଣା ଘଟିଥିଲା। ଆକ୍ରମଣରେ ଗୁରୁତର ଆହତ ରାଜୀବଙ୍କ ଲିଖିତ ଅଭିଯୋଗକୁ ଆଧାର କରି ଘସିପୁରା ପୁଲିସ ମାମଲା ରୁଜୁ କରିଥିଲା। ଘସିପୁରା ଥାନା ତରୀମୂଳ ଗ୍ରାମର ଆକାଶ ବଳ, ରମାକାନ୍ତ ରାଉତ, ରାକେଶ କୁମାର ରାଉତ, ତୋଫାନ କୁମାର ଶା, ଅତୁଲ ବଳ, ହରିଶ ରାଉତ, ରୁଦ୍ର ରାଉତ, କାଓା ଦାସ, ସ୍ମାରକ ମହାନ୍ତି, ପ୍ରିୟରଞ୍ଜନ ବଳ, ସୌମ୍ୟରଞ୍ଜନ ବଳ, ଲିଟୁ ବାରିକଙ୍କ ବିରୋଧରେ ପୋଲିସ ୧୮୦/୨୩ରେ ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା। ୧୨ଅଭିଯୁକ୍ତଙ୍କ ମଧ୍ୟରୁ ପୋଲିସ ଆକାଶ ବଳ, ଲିଟୁ ଓରଫ ସନ୍ଦିପ ବାରିକ, କାଓା ଓରଫ ସୁଶାନ୍ତ ଦାସ, ଚିକି ଓରଫ ରମାକାନ୍ତ ରାଉତଙ୍କୁ ଗିରଫ କରଛି। ଏନେଇ ଆଇଆଇସି ବିକ୍ରମ କୁମାର ଭୁୟାଁ ସୂଚନା ଦେଇଛନ୍ତି। ଘସିପୁରା ନିର୍ବାଚନମଣ୍ଡଳୀ ରାମଚନ୍ଦ୍ରପୁର ଥାନା ଅଧିନ ଶାଳଦେଇ ଗଣ୍ଡଗୋଳ ଘଟଣାର କିଛି ମାସ ଅନ୍ତରରେ ପୁଣି ରେକୁଟିଆ ଅଞ୍ଚଳରେ ଗଣ୍ଡଗୋଳ ଘଟଣା ଆଇନଶୃଙ୍ଖଳା ପରିସ୍ଥିତିକୁ ଜଟିଳ କରିଛି। ଏହି ଗଣ୍ଡଗୋଳ ଘଟଣାକୁ ନେଇ ରାଜନୈତିକ ଉଷ୍ମତା ବାରି ହୋଇପଡୁଥିବାବେଳେ ଆଇନଶୃଙ୍ଖଳା ପରିସ୍ଥିତିର ନିୟନ୍ତ୍ରଣ ଦିଗରେ ଦୃଷ୍ଟି ଦେବାକୁ ଭାଜପାର ଏକ ପ୍ରତିନିଧି ଦଳ ଜିଲା ଏସପିଙ୍କୁ ଭେଟି ଅଭିଯୋଗ ପତ୍ର ପ୍ରଦାନ କରିଛନ୍ତି।
