ବାସୁଦେବପୁର,୨୮।୯(ଡି.ଏନ୍.ଏ.): ଭଦ୍ରକ ଜିଲା ବାସୁଦେବପୁରର ରକ୍ତତୀର୍ଥ ଇରମଠାରେ ୭୭ତମ ଶହୀଦ ସ୍ମୃତିଦିବସ ପର୍ଯ୍ୟଟନ ଉନ୍ନୟନ ପରିଷଦ ଶହୀଦ ସ୍ମୃତି କମିଟି ଆନୁକୂଲ୍ୟରେ ଶନିବାର ଆୟୋଜିତ ହୋଇଯାଇଛି। ପ୍ରଭାତଫେରି, ପରେଡ ପରେ ଜିଲାପାଳ ଜ୍ଞାନ ଦାସ ଶହୀଦ ସ୍ତମ୍ଭ ଓ ଶହୀଦ ପୀଠରେ ମାଲ୍ୟାର୍ପଣ କରିଥିଲେ। ଏହା ସହ ଜିଲା ପ୍ରକଳ୍ପ ନିର୍ଦ୍ଦେଶକ ମଧୁସୂଦନ ଦାସ ଅତିଥି ଭାବେ ଯୋଗଦେଇ ପତାକା ଉତ୍ତୋଳନ କରି ଶହୀଦମାନଙ୍କ ଆତ୍ମବଳି ଦାନର ପଟାନ୍ତର ନାହିଁ, ଶହୀଦଙ୍କ ପାଇଁ ବାସୁଦେବପୁର ମାଟି ଗର୍ବିତ ବୋଲି ସେ କହିଥିଲେ। ଏଥିରେ ଅତିରିକ୍ତ ପ୍ରକଳ୍ପ ନିର୍ଦ୍ଦେଶକ ରାଜେନ୍ଦ୍ର କୁମାର ପଣ୍ଡା, ବିଡିଓ ପ୍ରଣବ ବେହେରା, ସରପଞ୍ଚ ପ୍ରଫୁଲ୍ଲ କୁମାର ବିଶ୍ୱାଳଙ୍କ ସମେତ ବହୁ ବିଶିଷ୍ଟ ବ୍ୟକ୍ତି ଉପସ୍ଥିତ ଥିଲେ।
