ବ୍ରହ୍ମପୁର ଅଫିସ୍,୨୨ା୪- ପୁନେର ଚାକନ୍ଠାରେ ବିଲିଭ୍ ଫିଟନେସ୍ ତରଫରୁ ଆୟୋଜିତ ରାଜ୍ୟସ୍ତରୀୟ ଶକ୍ତି ଉତ୍ତୋଳନ ପ୍ରତିଯୋଗିତାରେ ବ୍ରହ୍ମପୁରର ରଞ୍ଜିତା ମିଶ୍ର ଦୁଇଟି ପଦକ ଜିତିଛନ୍ତି। ସେ ଶ୍ରେଷ୍ଠ ଲିଫଟର୍ ଭାବେ ସ୍ବର୍ଣ୍ଣ ପଦକ ଏବଂ ଡେଡ୍ ଲିଫ୍ଟିଂ ପାଇଁ ରୌପ୍ୟ ପଦକ ଜିଣିଛନ୍ତି। ସେ ସ୍କ୍ବାଟ୍ସରେ ୧୩୦କିଲୋ, ବେଞ୍ଚ୍ରେ ୬୫କିଲୋ ଏବଂ ଡେଡ୍ ଲିଫ୍ଟରେ ୧୫୦କିଲୋ ଓଜନ ଉଠାଇ ଏହି ସଫଳତା ହାସଲ କରିଛନ୍ତି। ବ୍ରହ୍ମପୁର ଗାନ୍ଧୀ ନଗର ନିବାସୀ ଜଗନ ମୋହନ ମହାପାତ୍ର ଏବଂ ବିଜୟ ଲକ୍ଷ୍ମୀ ମହାପାତ୍ରଙ୍କ ଝିଅ ରଞ୍ଜିତା ସମ୍ପ୍ରତ୍ତିି ମୁମ୍ବାଇରେ ରହୁଛନ୍ତି । ତାଙ୍କ ସ୍ବାମୀ ସୁବାସ ମିଶ୍ରଙ୍କ ପ୍ରୋତ୍ସାହନ ଏବଂ କୋଚ୍ ସି. ରଘୁନାଥଙ୍କ ଯୋଗୁ ଏହି ସଫଳତା ମିଳିଛି ବୋଲି ରଞ୍ଜିତା ପ୍ରକାଶ କରିଛନ୍ତି ।
