ରାଉରକେଲା ଅଫିସ, ୮।୧: ୧୨ ଦଫା ଦାବି ନେଇ କେନ୍ଦ୍ରୀୟ ଟ୍ରେଡ୍ ୟୁନିୟନ୍ ପକ୍ଷରୁ ବୁଧବାର ୧୨ ଘଣ୍ଟିଆ ଭାରତ ବନ୍ଦ ଡାକରା ଦିଆଯାଇଛି। ବନ୍ଦ ପାଳନର ପ୍ରଭାବ ରାଉରକେଲାରେ ପଡିଛି। ରେଳ, ବସ୍ ଏବଂ ଅଟୋ ସହ ଜାତୀୟ ରାଜପଥରେ ଭାରୀଯାନ ଚଳାଚଳ ସମ୍ପୂର୍ଣ୍ଣ ବନ୍ଦ ରହିଛି। ବିର୍ସା ଛକରେ ବିଭିନ୍ନ ସଂଗଠନର କର୍ମକର୍ତ୍ତାମାନେ ପିକେଟିଂ କରି ରାସ୍ତାରୋକୋ କରିଥିଲେ। ଏହି ବନ୍ଦ ପାଳନରେ ସିଆଟିୟୁ, ଏଆଇଟିୟୁସି, ୟୁଟିୟୁସି, ଆଏନଟିୟୁସି ଏବଂ କଂଗ୍ରେସ ସାମିଲ ହୋଇଛି। ସହରରେ ଦୋକାନ ବଜାର ମଧ୍ୟ ବନ୍ଦ ରହିଛି। ସ୍କୁଲ, କଲେଜ ଓ ସରକାରୀ ଦପ୍ତର ଶୂନଶାନ୍ ହୋଇପଡିଛି। ଗାଡି ବନ୍ଦ ଯୋଗୁ ଯାତ୍ରୀମାନେ ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି।
