ଛତ୍ରପୁର,୨୬ା୪(ଡି.ଏନ୍.ଏ.) : ଓଡ଼ିଶା ରାଜ୍ୟ କଣ୍ଟ୍ରୋଲ ରୁମ୍କୁ ଗଞ୍ଜାମ ଜିଲା ଖଲିକୋଟ ବ୍ଲକ କେଶପୁରର ଜଣେ ଅସହାୟ ମହିଳା ସୁନୀତା ସୁବୁଦ୍ଧି ଫୋନ୍ କରିବାରୁ ତାଙ୍କ ଘରେ ରାଶନ ସାମଗ୍ରୀ ପହଞ୍ଚାଇଛି ପୋଲିସ। ସେ ଫୋନ୍ କରି କହିଥିଲେ, ଘରେ ତାଙ୍କର ୩ ବର୍ଷର ଝିଅ ଅଛି। ତାଙ୍କ ସ୍ବାମୀ ବିଦେଶରେ ଅଛନ୍ତି। ଘରେ କିଛି ରାଶନ ଓ ଖାଦ୍ୟ ସାମଗ୍ରୀ ନ ଥିବା ସେ ଫୋନ୍ କରି ଜଣାଇଥିଲେ। ଏହାପରେ ରାଜ୍ୟ କଣ୍ଟ୍ରୋଲ ରୁମ୍ରୁ ଏସମ୍ପର୍କରେ ଖଲିକୋଟ ଥାନା ପୋଲିସକୁ ଫୋନ୍ ଆସିଥିଲା ଉକ୍ତ ମହିଳାଙ୍କ ଘରକୁ ଯାଇ ରାଶନ ଓ ଖାଦ୍ୟ ସାମଗ୍ରୀ ଖଲିକୋଟ ଥାନା ପୋଲିସ ପକ୍ଷରୁ ପ୍ରଦାନ କରଯାଇଥିଲା। ଗଞ୍ଜାମ ଏସ୍ପି ବ୍ରିଜେଶ କୁମାର ରୟ ଏନେଇ ଖଲିକୋଟ ପୋଲିସକୁ ପ୍ରଶଂସା କରି ସୋସିଆଲ ମିଡିଆରେ ଶେୟାର କରିଛନ୍ତି।
