ବ୍ରହ୍ମପୁର ଅଫିସ,୫ା୭- ରାଜ୍ୟସ୍ତରୀୟ ଶିଶୁ ମହୋତ୍ସବ ବ୍ରହ୍ମପୁର ଗୋସାଣୀନୂଆଗଁା ଗୁଣ୍ଡିଚା ମଣ୍ଡପ ନିକଟରେ ଗୁରୁବାର ସନ୍ଧ୍ୟାରେ ଆରମ୍ଭ ହୋଇଛି। ଶିଶୁ ବାର୍ତ୍ତା ଆନୁକୂଲ୍ୟରେ ଆୟୋଜିତ ତ୍ରୟୋଦଶ ମହୋତ୍ସବ ୮ ଦିନ ଧରି ଚାଲିବ।
ଶିଶୁ କଳାକାର ରାଜ କୁମାର ଏହାକୁ ଉଦ୍ଘାଟନ କରିଥିଲେ। ଗଞ୍ଜାମ ଜିଲାର ୩୦ କଳାନୁଷ୍ଠାନ ସମେତ ରାଜ୍ୟର ବିଭିନ୍ନ ସ୍ଥାନର ଶିଶୁ କଳାକାରମାନେ ଏଥିରେ ଯୋଗଦେଇ ବିଭିନ୍ନ ଦିବସ ସନ୍ଧ୍ୟାରେ ନୃତ୍ୟ, ସଂଗୀତ ପରିବେଷଣ କରିବାର କାର୍ଯ୍ୟକ୍ରମ ରହିଛି। ମୁଖ୍ୟତଃ ଓଡ଼ିଶୀ, ମାହାରି ନୃତ୍ୟ, ଦେବେଦାସୀ ନୃତ୍ୟ ଓ ବାଦ୍ୟ ପରିବେଷଣ କରି ପ୍ରଥମ ଦିନ ଦର୍ଶକଙ୍କୁ ମନ୍ତ୍ରମୁଗ୍ଧ କରିଥିଲେ। ଜିଲା ସଂସ୍କୃତି ବିଭାଗ ସହଯୋଗ କରୁଥିବା ଶିଶୁ ବାର୍ତ୍ତା ସମ୍ପାଦକ ମାନସ ଦାସ ସୂଚାଇଛନ୍ତି। ବିଭିନ୍ନ ସନ୍ଧ୍ୟାରେ ପାରିଦର୍ଶିତା ଅର୍ଜନ କରିଥିବା ଶିଶୁ ପ୍ରତିଭାଧାରୀଙ୍କୁ ସମ୍ମାନିତ କରାଯିବାର କାର୍ଯ୍ୟକ୍ରମ ରହିଛି। ଘୋଷଯାତ୍ରାର ପରମ୍ପରାକୁ ଆଧାର କରି ଏହି ସାଂସ୍କୃତିକ କାର୍ଯ୍ୟକ୍ରମ କରାଯାଉଥିବା କୁହାଯାଇଛି।
