ବିଶାଖାପାଟଣା,୬।୧୦- ଏଠାରେ ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଖେଳାଯାଇଥିବା ପ୍ରଥମ ଟେଷ୍ଟ ରେକର୍ଡ ବୁକ୍ରେ ସ୍ଥାନ ପାଇଛି। ଏହି ଟେଷ୍ଟରେ ଉଭୟ ଦଳ ମୋଟ ୩୬ ଛକା ଲଗାଇଛନ୍ତି। ଇତିହାସରେ ଏପର୍ଯ୍ୟନ୍ତ ଖେଳାଯାଇଥିବା ଟେଷ୍ଟ ମ୍ୟାଚ୍ ମଧ୍ୟରେ ଏହା ସର୍ବାଧିକ ଛକା। ମ୍ୟାଚ୍ରେ ଭାରତୀୟ ଦଳର ବ୍ୟାଟ୍ସମ୍ୟାନମାନେ ୨୭ ଛକା ଲଗାଇଥିଲା। ଏକାକୀ ରୋହିତ ଶର୍ମା ଉଭୟ ଇନିଂସରେ ୧୩ ଛକା ଲଗାଇ ବିଶ୍ୱ ରେକର୍ଡ ଅଧିକାରୀ ହୋଇଛନ୍ତି। ଭ୍ରମଣକାରୀ ଦକ୍ଷିଣ ଆଫ୍ରିକାର ବ୍ୟାଟ୍ସମ୍ୟାନମାନେ ମୋଟ ୧୦ ଛକା ଲଗାଇପାରିଥିଲେ। ଏଥିପୂର୍ବରୁ ୨୦୧୪-୧୫ରେ ଶାରାଜାଠାରେ ପାକିସ୍ତାନ ଓ ନ୍ୟୁଜିଲାଣ୍ଡ ମଧ୍ୟରେ ଖେଳାଯାଇଥିବା ମ୍ୟାଚ୍ରେ ୩୫ ଛକା ହୋଇଥିଲା, ଯାହାକି ପୂର୍ବରୁ ରେକର୍ଡ ଥିଲା। ୨୦୦୫-୦୬ ସିଜନରେ ଫଇସଲାବାଦ୍ଠାରେ ଭାରତ ଓ ପାକିସ୍ତାନ ଅନୁଷ୍ଠିତ ମ୍ୟାଚ୍ରେ ୨୭ ଛକା ହୋଇଥିଲା।
