ବଅଁରପାଳ,୧୫।୬(ଡି.ଏନ୍.ଏ.): ଅନୁଗୋଳ ଜିଲା ରେଳଷ୍ଟେଶନଠାରେ ରେଳଯାତ୍ରୀଙ୍କୁ ସଚେତନତା କରାଇବା ପାଇଁ ଶନିବାର ପୋଲିସ ପକ୍ଷରୁ ଏକ ସଚେତନତା ବାର୍ତ୍ତା ଦିଆଯାଇଛି। ଏହା ସହ ଏକ ଟୋଲ୍ ଫ୍ରି ନମ୍ବର ମଧ୍ୟ ଜାରି କରାଯାଇଛି। ଯଦି କୌଣସି ଯାତ୍ରୀ ମହିଳା ବା ଶିଶୁ ନିଜକୁ ଅସୁରକ୍ଷିତ ମନେକରନ୍ତି, ତେବେ ଯଥାଶୀଘ୍ର ସେହି ନମ୍ବରରେ ଯୋଗାଯୋଗ କରିବାକୁ ରେଳ ବିଭାଗ ପୋଲିସ ଅଧିକାରୀ ପ୍ରବୀର କୁମାର ମହାନ୍ତି କହିଛନ୍ତି। ଚଳନ୍ତା ଟ୍ରେନକୁ ଯଦି କେହି ପଥର ଫୋପାଡୁଛି, ଚୋରି, ଡକାୟତି, ଅପରାଧ ସଂକ୍ରାନ୍ତରେ କିଛି ସୂଚନା ମିଳେ, ତେବେ ଅନ୍ୟମାନେ ମଧ୍ୟ ନଂ. ୧୮୨ ସହ ଯୋଗାଯୋଗ କରିବାକୁ କହିଛନ୍ତି। ଏହି କାର୍ଯ୍ୟକ୍ରମରେ ପୋଲିସ ଅଧିକାରୀ ରମେଶ ଚନ୍ଦ୍ର ବେହେରା, ଚୈତନ୍ୟ ପ୍ରସାଦ ବାଗ, ଲକ୍ଷ୍ମୀଧର ନାୟକଙ୍କ ସମେତ ବହୁ ପୋଲିସ ଅଧିକାରୀ ଯୋଗ ଦେଇଥିଲେ।
