ଦୁବାଇ,୧୬।୪(ପି.ଟି.): ଭାରତୀୟ ତାରକା ଓପନର ତଥା ସୀମିତ ଓଭର ଉପ- ଅଧିନାୟକ ଦୁବାଇ ପର୍ଯ୍ୟବସିତ ଏକ କୋଚିଂ ଏକାଡେମୀର ବ୍ରାଣ୍ଡ ଆମ୍ବାସାଡର ନିଯୁକ୍ତ ହୋଇଛନ୍ତି। ଏହି କୋଚିଂ ଏକାଡେମୀର ନାମ ‘କ୍ରିକ୍କିଙ୍ଗ୍ଡମ୍’ ରହିଛି। ସାରା ବିଶ୍ୱରେ କୋଭିଡ୍-୧୯ର ଆତଙ୍କ ଜାରି ରହିଥିବା ବେଳେ ଅନ୍ଲାଇନ୍ ପ୍ଲାଟଫର୍ମରେ ଏହି ଏକାଡେମୀରେ ପ୍ରଶିକ୍ଷଣର ବ୍ୟବସ୍ଥା କରାଯାଇଛି। ଅନ୍ଲାଇନ୍ ଦ୍ୱାରା ଛାତ୍ର, କୋଚ୍ମାନଙ୍କୁ ଗୋଟିଏ ସୂତ୍ରରେ ଯୋଡି ହେବାର ସୁଯୋଗ ମିଳିଛି। ଅନ୍ ଲାଇନ୍ ଦ୍ୱାରା କୋଚ୍, ଗ୍ରାଉଣ୍ଡ/ ନେଟ୍ସ, ବିଭିନ୍ନ ଏକାଡେମୀର ଟିମ୍ ମ୍ୟାନେଜମେଣ୍ଟ ବୁକିଂ କରିବାର ସୁବିଧା ମଧ୍ୟ ରହିଛି। ନୂଆ କ୍ରିକେଟ ପ୍ରତିଭାଙ୍କୁ ଅଭିନବ ଉପାୟରେ ପ୍ରଶିକ୍ଷଣ ଦେବା ଏହି ଏକାଡେମୀର ଲକ୍ଷ ବୋଲି ରୋହିତ କହିଛନ୍ତି। ମୁମ୍ବାଇ ଦ୍ରୁତ ବୋଲର ଧବଲ କୁଲକର୍ଣ୍ଣୀ ଏହି ଏକାଡେମୀର ମେଣ୍ଟର ରହିଛନ୍ତି। ଏହି ଏକାଡେମୀ ସହିତ ୨୦ଜଣ କୋଚ୍ ଜଡିତ ହୋଇ ରହିଛନ୍ତି। ଏମାନେ ତୃଣମୂଳସ୍ତରରେ କାର୍ଯ୍ୟ କରୁଛନ୍ତି। ଏହି କୋଚ୍ମାନଙ୍କ ମଧ୍ୟରେ ସାମିଲ ରହିଛନ୍ତି ପ୍ରଦୀପ ଇନଗାଲେ, ପରରାଗ ମାଡକାଇକର, ସୁବାସ ରାନ୍ଜାନେ ଓ ପ୍ରଥମେଶ ସାଲୁଙ୍ଖେ। ୪ଟି ବର୍ଗରେ ଏଠାରେ କୋଚିଂ ଦିଆଯାଉଛି। ୫ରୁ ୮, ୮ରୁ ୧୩, ୧୩ରୁ ଊର୍ଦ୍ଧ୍ୱ ବୟସ ବର୍ଗରେ ଓ ଏଲିଟ୍ ସ୍ତରର କ୍ରିକେଟରଙ୍କୁ ଏଠାରେ ପ୍ରଶିକ୍ଷଣ ଦିଆଯାଉଛି। ରୋହିତଙ୍କ ମଧ୍ୟ ଏହି ଏକାଡେମୀର ନିର୍ଦ୍ଦେଶକ ହେବାକୁ ପ୍ରସ୍ତାବ ଦିଆଯାଇଥିଲା।
