ଖୁଣ୍ଟା,୨୨ା୪(ଡି.ଏନ୍.ଏ.)-ରାଜ୍ୟର ବିଭିନ୍ନ ଅଞ୍ଚଳରେ କୋରନା ସଂକ୍ରମିତଙ୍କ ସଂଖ୍ୟା ବଢିବାରେ ଲାଗିଥିବା ବେଳେ ଏହାକୁ ଦୃଷ୍ଟିରେ ରଖି ସରକାର ଲକ୍ ଡାଉନର ଅବୋଧି ବଢ଼ାଇଛନ୍ତି। ଜନସଧାରଣଙ୍କୁ ଘରୁ ନ ବାହାରିବା ପାଇଁ ବାରମ୍ବାର ସଚେତନ କରାଯାଉଥିଲେ ମଧ୍ୟ କେତେକ ବ୍ୟକ୍ତି ବେପରୁଆ ଭାବେ ଏକ ସ୍ଥାନରୁ ଅନ୍ୟ ସ୍ଥାନକୁ ଯିବା ଆସିବା ଓ ରହିବା ଇତ୍ୟାଦି କରୁଥିବା ଦେଖିବାକୁ ମିଳୁଛି। ଏହି ପରିପେକ୍ଷୀରେ ସୋମବାର ବାଲେଶ୍ୱରରୁ ଆସି ଖୁଣ୍ଟା ବ୍ଲକ ଅଞ୍ଚଳରେ ରହିଥିବା ଜଣେ ବ୍ୟକ୍ତିଙ୍କ ନାମରେ ଖୁଣ୍ଟା ଥାନା ପୋଲିସ ଏକ ମାମଲା(ନଂ. ୫୭/୨୦୨୦) ରୁଜୁ କରିଛି। ସୂଚନା ଅନୁଯାୟୀ, ଖୁଣ୍ଟା ବ୍ଲକ ଅଧୀନ ସପନଚୁଆ ପଞ୍ଚାୟତ ଗିରିଶଚନ୍ଦ୍ରପୁର ଗ୍ରାମର ଜଣେ ବ୍ୟକ୍ତି ଦୀର୍ଘଦିନ ହେଲା ବାଲେଶ୍ୱରରେ ରହି ଆସୁଥିଲେ। ତେବେ ସେ ଗ୍ରାମକୁ ଫେରି ଆସିଥିବା ଖବର ପାଇ ଖୁଣ୍ଟା ତହସିଲଦାର ସ୍ମରଣ କୁମାର ପୃଷ୍ଟି ,ବିଡ଼ିଓ ମାନସ ରଞ୍ଜନ ସାମଲ ,ଏବିଡ଼ିଓ ବସନ୍ତ କୁମାର ପୃଷ୍ଟି ଓ ସ୍ଥାନୀୟ ସରପଞ୍ଚଙ୍କ ସମେତ ଥାନା ଆଇଆଇସି ସ୍ବର୍ଣ୍ଣଲତା ମିଞ୍ଜଙ୍କ ନେତୃତ୍ୱରେ ଏକ ଟିମ୍ ପହଞ୍ଚି ସମ୍ପୃକ୍ତ ବ୍ୟକ୍ତିଙ୍କୁ ଚିହ୍ନଟ କରିବା ସହିତ ତାଙ୍କୁ ପଞ୍ଚାୟତ ପକ୍ଷରୁ ଖୋଲା ଯାଇଥିବା କ୍ୱାରାଣ୍ଟାଟାଇନ ସେଣ୍ଟରକୁ ପଠାଇଛନ୍ତି।
