ଲକ୍‌ଡାଉନ୍‌ ଦୁଃଖ: ବିପଦରେ ୩୦୦ ପେଟ୍‌ ଶପ୍‌ରେ ଥିବା ଜୀବଜନ୍ତୁ

ଭୁବନେଶ୍ୱର,୧।୪(ବ୍ୟୁରୋ): କରୋନା କଟକଣାରେ ସମସ୍ତ ଜୀବଜଗତ ପ୍ରଭାବିତ। ଏଭଳିସ୍ଥିତିରେ ଜନସାଧାରଣଙ୍କୁ ଅତ୍ୟାବଶ୍ୟକ ସୁବିଧା ସୁଯୋଗ ଯୋଗାଇ ଦିଆଯିବାକୁ ସମସ୍ତ ପ୍ରକାର ଚେଷ୍ଟା କରାଯାଉଛି। ତେବେ ବୁଲା ଜୀବଜନ୍ତୁ, ଗୃହପାଳିତ ପଶୁ ଏବଂ ପୋଷା ଜୀବଜନ୍ତୁଙ୍କ ସୁରକ୍ଷା ମଧ୍ୟ ଆବଶ୍ୟକ ହୋଇପଡ଼ିଛି। ସରକାର ଇତିମଧ୍ୟରେ ଜୀବଜନ୍ତୁଙ୍କୁ ଖାଦ୍ୟ ଯୋଗାଇଦେବାକୁ ମୁଖ୍ୟମନ୍ତ୍ରୀଙ୍କ ରିଲିଫ୍‌ ପାଣ୍ଠିରୁ ୫୪ଲକ୍ଷ ଟଙ୍କା ମଞ୍ଜୁର କରିଛନ୍ତି। ଅପରପକ୍ଷରେ ବିଭିନ୍ନ ସାମାଜିକ କର୍ମୀ ବୁଲା ଗୋରୁ ଏବଂ କୁକୁରଙ୍କ ପାଇଁ ମଧ୍ୟ ଖାଦ୍ୟ ଯୋଗେଇବା କାର୍ଯ୍ୟ ମଧ୍ୟ ଆରମ୍ଭ କରିଦେଲେଣି। କିନ୍ତୁ ପେଟ୍‌ ଶପ୍‌ଗୁଡ଼ିକରେ ଥିବା ପୋଷା ଜୀବ କିମ୍ବା ବିକ୍ରି ଉଦ୍ଦେଶ୍ୟରେ ଥିବା ପଶୁପକ୍ଷୀଙ୍କ କଥା କାହାର ମନେ ପଡ଼ୁନି। ଓଡ଼ିଶାରେ ପ୍ରାୟ ୩୦୦ ପେଟ୍‌ ଶପ ଥିବାବେଳେ ଭୁବନେଶ୍ୱର ଓ କଟକରେ ୧୧୦ଟି ପେଟ୍‌ ଶପ୍‌ ରହିଛି। ଲକ୍‌ଡାଉନ୍‌ ଯୋଗୁ ଏସବୁ ବନ୍ଦ ରହିଛି। ସେମାନେ ଖାଦ୍ୟ ପାନୀୟ କିପରି ପାଇବେ, ତାହା ବଡ଼ ସମସ୍ୟା ହୋଇଯାଇଛି। ତେଣୁ ପେଟ୍‌ ଶପ୍‌ରେ ଥିବା ଜୀବଜନ୍ତୁଙ୍କ ଜୀବନ ପ୍ରତି ବିପଦ ପଡ଼ିଯାଇଛି। କାରଣ ପେଟ୍‌ ଦୋକାନୀ ଯଦି ଖାଇବା ଏବଂ ପାଣି ଦେବା ପାଇଁ ନ ଯାଇପାରିଲେ ତେବେ ସେମାନେ ନିଶ୍ଚୟ ମରିଯିବେ। ତେଣୁ ଏହି ପେଟ୍‌ ଶପ୍‌ରେ ଥିବା ଜୀବଜନ୍ତୁଙ୍କ ନିମନ୍ତେ ଆନିମଲ ୱେଲଫେୟାର ବୋର୍ଡ ଅଫ୍‌ ଇଣ୍ଡିଆ ତରଫରୁ ସବୁ ରାଜ୍ୟ ଏବଂ କେନ୍ଦ୍ର ଶାସିତ ଅଞ୍ଚଳର ମୁଖ୍ୟ ସଚିବଙ୍କୁ ଏକ ପତ୍ର ଲେଖାଯାଇଛି। ଏହି ପତ୍ରରେ ଉଲ୍ଲେଖ ରହିଛି ଯେ, ରାଜ୍ୟ ଜୀବେ ନିଷ୍ଠୁରତା ନିରାକରଣ ସମିତି(ଏସ୍‌ପିସିଏ) ମାଧ୍ୟମରେ ସମସ୍ତ ପେଟ୍‌ ଶପ୍‌କୁ ରାଜ୍ୟ ଜୀବଜନ୍ତୁ କଲ୍ୟାଣ ବୋର୍ଡ ଦ୍ୱାରା ତୁରନ୍ତ ଖାଲି କରେଇବା ପାଇଁ ଅନୁରୋଧ କରାଯାଇଛି। ରାଜ୍ୟରେ ଥିବା ଏସ୍‌ପିସିଏର ମୁଖ୍ୟ ଭାବରେ ଜିଲାପାଳମାନେ ରହିଥାନ୍ତି ଏବଂ ଯେଉଁଠି ଏସ୍‌ପିସିଏ ନଥିବ ସେହି ସ୍ଥାନରେ ଜିଲା ପ୍ରଶାସନ ଅନ୍ୟ ବ୍ୟବସ୍ଥା କରି ପେଟ୍‌ ଶପ୍‌ରୁ ପଶୁପକ୍ଷୀଙ୍କୁ ଉଦ୍ଧାର କରିବା ପାଇଁ ଅନୁରୋଧ କରାଯାଇଛି। ଏହି ଚିଠିକୁ ଅତି ଜରୁରୀ ବୋଲି ମାନିବାକୁ ମଧ୍ୟ ଅନୁରୋଧ କରାଯାଇଛି। ତେବେ ଗତ ୨୪ତାରିଖରେ ଏହି ଚିଠି ଆସିଥିବାବେଳେ ଏପର୍ଯ୍ୟନ୍ତ ସରକାର ବୋଧହୁଏ କୌଣସି ପଦକ୍ଷେପ ନେଇନାହାନ୍ତି। ଅନ୍ୟପଟେ ସକାଳ ଓ ସନ୍ଧ୍ୟାରେ ୨ବେଳା ନିର୍ଦ୍ଦିଷ୍ଟ ସମୟରେ ପେଟ୍‌ ସପ୍‌ ଖୋଲିବା ପାଇଁ ଅନୁମତି ଦେବାକୁ ଅନ୍ୟ ଏକ ଚିଠିରେ ଆନିମଲ ୱେଲଫେୟାର ବୋର୍ଡ ଅଫ୍‌ ଇଣ୍ଡିଆ ଅନୁରୋଧ କରିଛି।
ଏନେଇ ଭୁବନେଶ୍ୱରସ୍ଥିତ ଓ୍ବାଇଲ୍ଡ ଉଡ୍‌ସ ଏକଜୋଟିକ ପେଟ୍‌ ଶପ୍‌ର ବିଶ୍ୱରଞ୍ଜନ ଭଦ୍ର କୁହନ୍ତି, ଆମ ଦୋକାନରେ ଥିବା ପର୍ସିଆନ କ୍ୟାଟ୍‌, କୁକୁର ଏବଂ କିଛି ବିଦେଶୀ ପକ୍ଷୀଙ୍କୁ ଆମେ ଘରକୁ ନେଇ ଆସିଛୁ। କିନ୍ତୁ ଆକ୍ୱାରିୟମ ଥିବା ମାଛମାନଙ୍କ ପାଇଁ ମୁଁ ଦିନକୁ ୨ ଥର ଖାଦ୍ୟ ଦେବା ପାଇଁ ମାତ୍ର ୧୦ମିନିଟ୍‌ ପାଇଁ ଯାଉଛି। ଆମ ଘର ପାଖ ହୋଇଥିବାରୁ ମୁଁ ସରକାରୀ କଟକଣା ମାନି ଚାଲି ଚାଲି ଯାଉଛି। କିନ୍ତୁ ଯେଉଁମାନଙ୍କର ଘରଠାରୁ ଦୋକାନ ଦୂର ସେମାନେ ହଇରାଣ ହେଉଛନ୍ତି। ଯଦି କମିଶନରେଟ ପୋଲିସ ପେଟ୍‌ ଦୋକାନୀଙ୍କ ପାଇଁ ଦିନକୁ ୨ବେଳା ପାଇଁ ମାତ୍ର ଅଧଘଣ୍ଟା ଲେଖାଏ ପାସ୍‌ ବ୍ୟବସ୍ଥା କରନ୍ତା ତା’ହେଲେ ଆଉ ସମସ୍ୟା ରୁହନ୍ତା ନାହିଁ। ଅନ୍ୟପଟେ ଓଡ଼ିଶାରେ ଏକ୍‌ଜୋଟିକ ଜୀବଜନ୍ତୁମାନଙ୍କୁ ନେଇ ଏହିଭଳି ଘଡ଼ିସନ୍ଧି ମୁହୂର୍ତ୍ତରେ ଜିଲା ପ୍ରଶାସନ ରଖେଇବା କଷ୍ଟକର ବୋଲି ପଶୁପ୍ରେମୀ କହୁଛନ୍ତି। ସବୁଠାରୁ ବଡ଼କଥା ହେଲା ଏହି ପଶୁପକ୍ଷୀମାନେ କେଉଁ ପ୍ରକାରର ଖାଦ୍ୟ କେଉଁ ସମୟରେ ଖାଇବେ ତାହା ଜଣେ ସାଧାରଣ ଲୋକ ପାଳନ କରିବା ଅସମ୍ଭବ। ତେଣୁ ପୋଲିସ ପେଟ୍‌ ଦୋକାନୀଙ୍କୁ ସେମାନଙ୍କ ପଶୁପକ୍ଷୀଙ୍କୁ ନିଜ ଘରକୁ ନେବା ପାଇଁ ଗୋଟିଏ ଦିନ ଅନୁମତି ଦେବା ଉଚିତ୍‌। ନଚେତ୍‌ ସେମାନଙ୍କୁ ଦୋକାନକୁ ଜୀବଜନ୍ତୁଙ୍କୁ ଖାଇବା ଦେବା ନିମନ୍ତେ ଆସିବା ପାଇଁ ପାସ୍‌ ଦେବା ଉଚିତ୍‌ ବୋଲି ପଶୁପ୍ରେମୀମାନେ କହିଛନ୍ତି।
ଅନ୍ୟପଟେ ରାଜ୍ୟ ସରକାର ଗତ ୨୮ତାରିଖରେ ଗୋଖାଦ୍ୟ, କୁକୁଡ଼ା ଖାଦ୍ୟ ଓ ମତ୍ସ୍ୟ ଖାଦ୍ୟ ସମେତ ଅନ୍ୟାନ୍ୟ ପଶୁଖାଦ୍ୟକୁ ଅତ୍ୟାବଶ୍ୟକ ସାମଗ୍ରୀରେ ଅନ୍ତର୍ଭୂକ୍ତ କରିଛନ୍ତି। ସେସବୁ ଖୋଲା ରଖିବାକୁ ନିର୍ଦ୍ଦେଶ ଦିଆଯାଇଛି। ତେବେ ପେଟ୍‌ ଶପ୍‌ ଖୋଲା ରଖିବା ପାଇଁ କୌଣସି ନିୟମ କରିନାହାନ୍ତି। ଏଦିଗରେ ଭବାନୀପାଟଣାର ପେଟ୍‌ ଦୋକାନୀ ଶୁଭକାନ୍ତ ପଟ୍ଟନାୟକ କୁହନ୍ତି, ଯେହେତୁ ଓଡ଼ିଶା ସରକାର ପେଟ୍‌ ଫିଡ୍‌ ଏବଂ ମାଛ ଖାଦ୍ୟ ପାଇଁ ଅନୁମତି ପ୍ରଦାନ କରିଛନ୍ତି, ତେଣୁ ପେଟ୍‌ ଦୋକାନୀଙ୍କୁ ସକାଳେ ୨ ଘଣ୍ଟା ଏବଂ ସାରେ ୨ ଘଣ୍ଟା ଖୋଲିବା ପାଇଁ ଅନୁମତି ଦିଆଯାଉ। ଫଳରେ ସେମାନେ ନିଜ ଦୋକାନରେ ଥିବା ପଶୁ, ପକ୍ଷୀ ଓ ମାଛ ମାନଙ୍କର ଯତ୍ନ ନେଇପାରିବେ। ଏଥି ସହିତ ଏହି ସମୟରେ ସାଧାରଣ ଲୋକେ ମଧ୍ୟ ନିଜ ଘରେ ରଖିଥିବା ଜୀବଜନ୍ତୁଙ୍କ ପାଇଁ ମଧ୍ୟ ଖାଦ୍ୟ ଓ ଔଷଧ ନେଇପାରିବେ।


Enter your email to get our daily news in your inbox.

All Right Reserved By Dharitri.Com

ଭୁବନେଶ୍ବର ବିମାନବନ୍ଦରରୁ ୯.୫୨ କୋଟିର ମାରିଜୁଆନା ଜବତ

ଭୁବନେଶ୍ୱର,୬।୧: ବିଜୁ ପଟ୍ଟନାୟକ ବିମାନବନ୍ଦରରୁ ୯.୫୨ କୋଟିର ମାରିଜୁଆନା ଜବତ ହୋଇଛି। ମାରିଜୁଆନା ଆଣିଥିବା ୨ ମହିଳା ଯାତ୍ରୀ ଗିରଫ କରିଛି ଭୁବନେଶ୍ବର କଷ୍ଟମ କମିଶନରେଟ।...

ଓଡ଼ିଶାରେ ୪୪ ହଜାର ୭୯୩ କୋଟି ଟଙ୍କା ଟଙ୍କାର ନିବେଶକୁ ଗ୍ରୀନ ସିଗନାଲ ଦେଲେ ସରକାର

ଭୁବନେଶ୍ୱର,୬।୧: ରାଜ୍ୟରେ ନିବେଶ ବଢାଇବା ଲାଗି ସରକାର ଜୋରଦାର ଉଦ୍ୟମ କରୁଥିବା ବେଳେ ସୋମବାର ସରକାର ୪୪ ହଜାର ୭୯୩ କୋଟି ଟଙ୍କାର ପୁଞ୍ଜି ନିବେଶକୁ...

ଜୟପୁରରେ ହେବ OPSC ପରୀକ୍ଷା ଜୋନ୍‌

କଟକ,୬।୧: ଜୟପୁରରେ ହେବ OPSCର ନୂଆ ପରୀକ୍ଷା ଜୋନ୍‌। ଲିଖିତ ପରୀକ୍ଷା ପାଇଁ ଜୟପୁରରେ ହେବ ନୂଆ ଜୋନ୍‌ କରାଯିବ। ନୂଆ ପରୀକ୍ଷା ଜୋନ୍ କରାଯିବା...

ଭଟଲି ବିଧାୟକ ଇରାସିସ୍‌ ଆଚାର୍ଯ୍ୟ ନିର୍ଦ୍ଦୋଷ ସାବ୍ୟସ୍ତ

ମଥୁରାନଗରୀ,୬।୧(ପ୍ରେମାନନ୍ଦ ଖମାରୀ): ବରଗଡ଼ ଜିଲା ଭଟଲିରେ ଗତ ୨୦୧୮ ମସିହାରେ ସଂଘଟିତ ଏକ ହତ୍ୟା ମାମଲାର ରାୟ ସୋମବାର ପ୍ରକାଶ ପାଇଛି। ଏହି ମାମଲାରେ ବର୍ତ୍ତମାନର...

ନାବାଳିକା ଝିଅଙ୍କୁ ବଳାତ୍କାର, ଅଭିଯୁକ୍ତ ବାପାଙ୍କୁ ଆଜୀବନ ଜେଲ

ଭୁବନେଶ୍ୱର,୬ା୧(ସୂର୍ଯ୍ୟକାନ୍ତ ବେହେରା): ନାବାଳିକା ଝିଅଙ୍କୁ ବଳାତ୍କାର କରିବା ଅଭିଯୋଗରେ ଜଣେ ଅଭିଯୁକ୍ତ ବାପାଙ୍କୁ ଭୁବନେଶ୍ୱର ଅତିରିକ୍ତ ଜିଲା ଦୌରାଜଜ ତଥା ଫାଷ୍ଟଟ୍ରାକ ସ୍ପେଶାଲ କୋର୍ଟ (ପୋକ୍ସୋ-୧)...

ବିମାନ ଚଳାଚଳ ହବ୍ ପାଲଟିବ ଓଡ଼ିଶା, ସରକାର ନେଲେ ବଡ଼ ନିଷ୍ପତ୍ତି

ଭୁବନେଶ୍ୱର,୬ା୧: ରାଜ୍ୟକୁ ଭାରତରେ ଏକ ପ୍ରମୁଖ ବିମାନ ଚଳାଚଳ କେନ୍ଦ୍ର ଭାବରେ ରାଜ୍ୟ ପ୍ରତିଷ୍ଠା ଦିଗରେ ଓଡିଶା ସରକାର ଏକ ପ୍ରମୁଖ ପଦକ୍ଷେପ ନେଇଛନ୍ତି। ବାଣିଜ୍ୟ...

ରାଇକିଆ ଭାଜପା ନୂତନ ମଣ୍ଡଳ ସଭାପତିଙ୍କୁ ସମ୍ବର୍ଦ୍ଧନା: କହିଲେ ଭାଜପା ଭରସା କରିଥିବାରୁ …

ରାଇକିଆ,୬।୧(ପ୍ରଦିପ ବେହେରା):କନ୍ଧମାଳ ଜିଲା ରାଇକିଆ ଭାଜପାର ୧୭ ନମ୍ବର ଜୋନ୍‌ର ମଣ୍ଡଳ ସଭାପତି ଭାବେ ସନ୍ତୋଷ ପାତ୍ରଙ୍କୁ ମନୋନୀତ କରାଯାଇଅଛି । ରାଜ୍ୟ ଭାଜପା ତରଫରୁ...

ଦୀର୍ଘଦିନ ବ୍ୟବଧାନ ପରେ ଗ୍ରୀନବାଡ଼ିରେ ଅବକାରୀ ବିଭାଗର ଚଢ଼ାଉ:ମିଳିଲା…

ଦାରିଙ୍ଗବାଡି,୬।୧(ଅରୁଣ ସାହୁ): ଦୀର୍ଘଦିନ ବ୍ୟବଧାନ ପରେ ଦାରିଙ୍ଗବାଡି ଅବକାରୀ ବିଭାଗ ପକ୍ଷରୁ ଗ୍ରୀନବାଡି ପଞ୍ଚାୟତ ଅଞ୍ଚଳରେ ଚଢ଼ାଉ କରାଯାଇଛି। ଚୋରାମଦ କାରବାର ନେଇ ଅବକାରୀ ବିଭାଗ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri