ଗଞ୍ଜାମ,୧୩।୬(ଡି.ଏନ୍.ଏ.): ଗଞ୍ଜାମ ସହର ତ୍ରିବେଣୀ ମଠ ଛକଠାରୁ ସାନ ବଜ଼ାର ଯାଏ ସୌନ୍ଦର୍ଯ୍ୟ କରଣ ନିମନ୍ତେ ରାସ୍ତା ନିର୍ମାଣ କାର୍ଯ୍ୟ ଗତ କିଛି ଦିନ ହେବ ଆରମ୍ଭ ହୋଇଛି l ବୁଧ, ଗୁରୁ ଓ ଶୁକ୍ରବାର ୩ଦିନ ଧରି ପ୍ରଶାସନ ପକ୍ଷରୁ ଜବରଦଖଲ ଉଠା ଦୋକାନଗୁଡିକୁ ହଟାଇ ଦିଆଯାଇଥିଲା l ତେବେ ଶନିବାର ଭଙ୍ଗା ଯାଇଥିବା ମାଟିକୁ ଜେସିବି ମେସିନ ଦ୍ୱାରା କଢ଼ା ଯାଉଥିବା ଦେଖିବାକୁ ମିଳିଛି। ସୂଚନାଯୋଗ୍ୟ, ଗଞ୍ଜାମରେ କରୋନା ଭୂତାଣୁ ସଂକ୍ରମିତ ସଂଖ୍ୟା ଦିନକୁ ଦିନ ବୃଦ୍ଧି ପାଉଥିବା ଯୋଗୁ ସରକାର ଓ ଜିଲା ପ୍ରଶାସନ ପକ୍ଷରୁ ଶନିବାର ଓ ରବିବାର ୨ଦିନ ଶଟ୍ଡାଉନ୍ ଘୋଷଣା କରିଛନ୍ତି। କିନ୍ତୁ ରାସ୍ତା ସମ୍ପ୍ରସାରଣ କାର୍ଯ୍ୟ ହାତକୁ ନେଇଥିବା ସଂସ୍ଥା ଏହାକୁ ବ୍ୟତିକ୍ରମ କରୁଥିବା ନଜରକୁ ଆସିିଛି। ଏନେଇ ସୁପରଭିଜନ କରୁଥିବା କାଳୁ ବେହେରା କହିଛନ୍ତି, ଶଟ୍ଡାଉନରେ କାମ କରିବାକୁ ଅର୍ଡର ମିଳିଛି। ଏସମ୍ପର୍କରେ ତହସିଲଦାର ଅବନୀ କୁମାର ସାହୁଙ୍କୁ ପଚାରିବାରୁ ସେ କହିଛନ୍ତି, ଶଟ୍ଡାଉନ୍ରେ କାର୍ଯ୍ୟ କରିବା କଥା ନୁହେଁ। ସେମାନେ କାହିଁକି ବ୍ୟତିକ୍ରମ କରିଛନ୍ତି ତଦନ୍ତ ପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
