ସୋରଡ଼ା,୨୭ା୧୨(ଡି.ଏନ୍.ଏ.) -ସମାଜରେ ସବୁବର୍ଗର ଜନସାଧାରଣ ଶାନ୍ତ, ଭଦ୍ର, ନମ୍ରତା ଭାବ ରଖିବା ସହ ପ୍ରତିଟି ସମୟରେ ସକାରାତ୍ମକ ଚିନ୍ତାଧାରା ରଖିଲେ ସମାଜକୁ ଉତ୍ତମ ପରିବେଶ କରିହେବ। ସଂସ୍କୃତି, ପରମ୍ପରାକୁ ବଜାୟ ରଖିବା ଗୁରୁଜନ ପ୍ରତି ଭକ୍ତିଭାବ ରଖିବା, ପ୍ରତିଟି ବିଚାର ଧାରାକୁ ଶୃଙ୍ଖଳିତ ଭାବେ ଉପସ୍ଥାପନା କରିବା ହିଁ ଏକ ସୁସ୍ଥ ମାନସିକତା ବୋଲି ଗୁରୁବାର ଏଠାରେ ଆୟୋଜିତ ଅଷ୍ଟାଦଶ ଗୀତାଜ୍ଞାନୀ ଯଜ୍ଞ ଉଦ୍ଯାପନ ଉତ୍ସବ ଅବସରରେ ଅନୁଷ୍ଠିତ ପଞ୍ଚଦିବସୀୟ ଆଧ୍ୟାତ୍ମିକ ମହାସମ୍ମିଳନୀ, ସାଧାନା ଶିବିରରେ ଯୋଗ ଦେଇ ଗଜପତି ମହାରାଜା ଦିବ୍ୟସିଂହ ଦେବ କହିଛନ୍ତି। ଗୁରୁବାର ଅପରାହ୍ନରେ ଉଦ୍ଘାଟନୀ ଉତ୍ସବରେ ପ୍ରଥମରେ ବେଦପାଠ କରାଯାଇଥିଲା। ଧ୍ୱଜ ଉତ୍ତୋଳନ, ପ୍ରଦୀପ ପ୍ରଜ୍ଜ୍ୱଳନ ପରେ ରାଜ୍ୟର ବିଭିନ୍ନ ପ୍ରାନ୍ତରୁ ଆସିଥିବା ସାଧୁସନ୍ଥମାନେ ଆଶୀର୍ବଚନ ପ୍ରଦାନ କରିଥିଲେ। ଏଥିରେ ବିଧାୟକ ପୂର୍ଣ୍ଣଚନ୍ଦ୍ର ସ୍ବାଇଁ, ଓୟୁଏଟି ପୂର୍ବତନ କୁଳପତି ଡ. ସୁରେନ୍ଦ୍ର ନାଥ ପଶୁପାଳକ, ବଡ଼ଗଡ଼ ରାଜା ସାହେବ କିଶୋର ଚରଣ ସିଂଙ୍କ ସମେତ ୧୧ଜଣ ବିଭିନ୍ନ ପ୍ରାନ୍ତର ସାଧୁମାନେ ମଞ୍ଚାସୀନ ଥିଲେ। ବିଭିନ୍ନ ଜିଲାରୁ ଶହଶହ ସଂଖ୍ୟାରେ ମହିଳା, ପୁରୁଷ ଶିବିରରେ ଯୋଗ ଦେଇଥିଲେ। ଆସନ୍ତା ୩୦ ତାରିଖ ପର୍ଯ୍ୟନ୍ତ ଏହା ଚାଲିବ। ହରିଦ୍ୱାର, ରାଞ୍ଚତ୍, ଭୁବନେଶ୍ୱର, ଋଷିକେଶ, ପୁରୀ, ପଞ୍ଜାବରୁ ଦିବ୍ୟଜୀବନ ଶାଖାର ସାଧୁମାନେ ଆସି ପହଞ୍ଚତ୍ଛନ୍ତି।
