ନୂଆଦିଲ୍ଲୀ,୭।୪: ଡରାଉଛି କରୋନା। ଏହାର ସଂକ୍ରମଣ ଆଗରେ ଆମେରିକା ଭଳି ଦେଶ ହାର ମାନିଥିବା ବେଳେ ଭାରତ ଏହାଠାରୁ ଦୂରେଇ ରହିବାକୁ ସବୁ ପ୍ରକାର ପ୍ରୟାସ ଜାରି ରଖିଛି। ହେଲେ କିଛି ଅଞ୍ଚଳରେ ଏହା କ୍ରମାଗତ ଭାବେ ବଢି ଚାଲିଥିବା ବେଳେ ଏବେ ଦେଶରେ କରୋନା ସଂକ୍ରମଣର ସଂଖ୍ୟା ୪,୪୨୧ରେ ପହଞ୍ଚିଲାଣି। ଏବେ ପର୍ଯ୍ୟନ୍ତ ଏହା ଗୋଷ୍ଠୀ ସଂକ୍ରମଣ ହୋଇ ନ ଥିବା କୁହାଯାଉଛି। କିନ୍ତୁ କିଛି ଅଞ୍ଚଳରେ ପ୍ରତିଦିନ କରୋନା ପଜିଟିଭ ଚିହ୍ନଟ ହେବା ପରେ ଏବେ କେତେଜଣ ବିଶେଷଜ୍ଞ ଅନୁମାନ ଲଗାଇଛନ୍ତି କି ଯଦି ଏବେଠାରୁ ଏହି ସଂକ୍ରମଣକୁ ରୋକାଯାଇ ନ ପାରେ ତେବେ ଏହା ଖୁବ୍ଶୀଘ୍ର ଥାର୍ଡ ଷ୍ଟେଜକୁ ଗତି କରିବ। ଏଥିପାଇଁ ଲକ୍ ଡାଉନର ଆବଶ୍ୟକତା ଜରୁରୀ ବୋଲି ସେମାନେ କହିଛନ୍ତି। ଏବେ ପର୍ଯ୍ୟନ୍ତ ଭାରତରେ କରୋନା ସେକେଣ୍ଡ ଷ୍ଟେଜରେ ଥିବା ବେଳେ ଏହାକୁ ଆଗକୁ ବଢିବାକୁ ନ ଦେବା ଆମ ସମସ୍ତଙ୍କର କର୍ତ୍ତବ୍ୟ ବୋଲି ବିଶେଷଜ୍ଞମାନେ କହିଛନ୍ତି।
