ରଣପୁର,୨୯ା୭ (ସ୍ବ.ପ୍ର.): ନୟାଗଡ଼ ଜିଲା ରଣପୁର ବ୍ଲକ ଅନ୍ତର୍ଗତ ବ୍ରଜେନ୍ଦ୍ର ଚନ୍ଦ୍ର ନୋଡାଲ ଉଚ୍ଚ ବିଦ୍ୟାଳୟ ପରିସର ମଧ୍ୟରେ ରବିବାର ଏକ ସ୍ବାଗତ ସମ୍ବର୍ଦ୍ଧନା ଉତ୍ସବ ଅନୁଷ୍ଠିତ ହୋଇଯାଇଛି । ଏଥିରେ ସଦ୍ୟ, ନିୟମିତଥିବା ୨୦୧୧ ବ୍ୟାଚ୍ର ୬୧ଜଣ ଶିକ୍ଷା ସହାୟକ, ଶିକ୍ଷୟିତ୍ରୀ/ ଶିକ୍ଷକମାନଙ୍କୁ ନୂତନ ପେନସନ୍ ଯୋଜନା ପ୍ରାଥମିକ ଶିକ୍ଷକ ସଂଘ ତରଫରୁ ସ୍ବାଗତ ସମ୍ବର୍ଦ୍ଧନା ପ୍ରଦାନ କରାଯାଇଛି। ମୁଖ୍ୟଅତିଥି ଭାବେ ରଣପୁର ବିଧାୟକ ସତ୍ୟ ନାରାୟଣ ପ୍ରଧାନ ଯୋଗଦେଇଥିଲେ। ସମ୍ମାନିତ ଅତିଥି ଭାବେ ପଞ୍ଚାୟତ ସମିତି ଅଧ୍ୟକ୍ଷା ନିରୂପମା ପ୍ରଧାନ, ପୂର୍ବତନ ପଞ୍ଚାୟତ ସମିତି ଅଧ୍ୟକ୍ଷ ନଣ୍ଡା ଦଳବେହେରା, ରଣପୁର ଏନ୍ଏସି ଅଧ୍ୟକ୍ଷା ସବିତା ଦାସ, ପୂର୍ବତନ ବ୍ଲକ ଶିକ୍ଷା ଅଧିକାରୀ କିଶୋର ଚନ୍ଦ୍ର କର, ଅତିରିକ୍ତ ବ୍ଲକ ଶିକ୍ଷା ଅଧିକାରୀ ରତ୍ନାକର ପାଣି ପ୍ରମୁଖ ଯୋଗଦେଇଥିଲେ । ପ୍ରାଥମିକ ଶିକ୍ଷକ ସଂଘ ସଭାପତି ପ୍ରଦୀପ ରଞ୍ଜନ ଖୁଣ୍ଟିଆ ସଭାପତିତ୍ୱ କରିଥିବାବେଳେ ସମ୍ପାଦକ ଅନିଲ କୁମାର ପାଇକରାୟ ବାର୍ଷିକ ବିବରଣୀ ପାଠ କରିଥିଲେ। ସଙ୍ଗୀତ କଳା ବିଦ୍ୟା ନିକେତନର ଅଧ୍ୟକ୍ଷ ସତ୍ୟ ନାରାୟଣ ମହାପାତ୍ର ମଞ୍ଚ ପରିଚାଳନା କରିଥିଲେ । ଶିକ୍ଷକ ସଂଘର ଏକତା ଓ ଦଳଗତ କାର୍ଯ୍ୟ ସଫଳତାର ଚାବିକାଠି ଏବଂ ଅଭ୍ୟାସ ଦ୍ୱାରା କାର୍ଯ୍ୟରେ ସଫଳତା ମିଳିଥାଏ ବୋଲି ଅତିଥିମାନେ ମତ ପ୍ରକାଶ କରିଥିଲେ। ପ୍ରାଥମିକ ଶିକ୍ଷକ ସଂଘ ସଭାପତି ପ୍ରଫୁଲ୍ଲ କୁମାର ବିଶ୍ୱାଳ, ଗଣଶିକ୍ଷକ ସଂଘ ସଭାପତି ପବିତ୍ର ପ୍ରଧାନ ଓ ସମ୍ପାଦକ ଭାଗବତ ଜେନା, ମଧ୍ୟ ଇଂରାଜୀ ପ୍ରାଥମିକ ଶିକ୍ଷକ ସଂଘ ସଭାପତି ଅଶୋକ କୁମାର ଦାଶ, ଶିକ୍ଷା ସହାୟକ ଶିକ୍ଷକ ସଂଘ ସଭାପତି ଜ୍ୟୋତି ରଞ୍ଜନ କର ଓ କୈଳାସ ଚନ୍ଦ୍ର ମାଝି, ପ୍ରଭାତ ଦଳବେହେରା, ଏନ୍ପିଏସ୍ ଶିକ୍ଷକ ସଂଘ ତରଫରୁ ସନ୍ତୋଷ କୁମାର ରାଉତରାୟ, ପବିତ୍ର ମୋହନ ସାମନ୍ତରାୟ, ପ୍ରଦୀପ କୁମାର ଜେନା, ଅଜୟ କୁମାର ସାହୁ, ସୁଶାନ୍ତ କୁମାର ପ୍ରଧାନ, ମନୋଜ କୁମାର ତ୍ରିପାଠୀ, ବସନ୍ତ ପରିଡା, ପ୍ରକାଶ ରଣହାନ୍ଦୋଳ ପ୍ରମୁଖ ସହଯୋଗ କରିଥିଲେ।
