ବଲିଉଡ୍ ଦବଙ୍ଗ ଷ୍ଟାର୍ ସଲମାନ ଖାଁଙ୍କ ପିତା ତଥା ସଲିମ ଖାଁ ଆଜି ୮୪ ବର୍ଷରେ ପଦାର୍ପଣ କରିଛନ୍ତି। ଏହି ଅବସରରେ ସଲମାନ ତାଙ୍କ ଖାସ୍ ଅନ୍ଦାଜରେ ଜନ୍ମଦିନ ଅଭିନନ୍ଦନ ଜଣାଇଛନ୍ତି। ନିଜ ଇନଷ୍ଟାଗ୍ରାମରେ ପିତାଙ୍କ ସହ ଏକ ପୁରୁଣା ଫଟୋ ଛାଡି ସେ ଜନ୍ମଦିନ ଶୁଭେଚ୍ଛା ଜଣାଇଛନ୍ତି। ସମସ୍ତେ ଜାଣନ୍ତି ପିତାଙ୍କ ସହ ସଲମାନଙ୍କ ସମ୍ପର୍କ ଖୁବ୍ ନିବିଡ। ଯେତେବେଳେ ଏକ ଦୁର୍ଘଟଣା ମାମଲାରେ ସଲମାନ ଦୋଷୀ ସାବ୍ୟସ୍ତ ହୋଇଥିଲେ। ଏଥିପାଇଁ ତାଙ୍କୁ ଜେଲ୍ ଯିବାକୁ ପଡିଥିଲା। ସେ ୧୮ ଦିନ ଜେଲରେ ରହିଥିବାବେଳେ ପିତା ସଲିମ ତାଙ୍କ ଭେଟିବା ପାଇଁ ଜେଲକୁ ଯାଇଥିଲେ। କଏଦୀ ନଂ ୩୪୩ରେ ସଲମାନଙ୍କୁ ଦେଖି ସେ ଜୋରରେ କାନ୍ଦିବାକୁ ଲାଗିଥିଲେ। ଏହା ତାଙ୍କ ଜୀବନର ସବୁଠୁ ଦୁଃଖର ଦିନ ଥିଲା ବୋଲି ଏକ ସାକ୍ଷାତକାରରେ ସଲିମ କହିଥିଲେ।
