ସଷ୍ଟେନେବଲ୍‌ ଫ୍ୟାଶନ, ଓଡ଼ିଶା ହସ୍ତତନ୍ତ

ଭୁବନେଶ୍ୱର,୬ା୨(ବ୍ୟୁରୋ): ଗ୍ଲୋବାଲ ଓ୍ବାର୍ମିଂ ଏବେ ସମଗ୍ର ବିଶ୍ୱ ପାଇଁ ବିପଦ ସୃଷ୍ଟି କରିଥିବାବେଳେ ପ୍ଲାଷ୍ଟିକ୍‌ ପ୍ରଦୂଷଣ ସମସ୍ତ ରାଷ୍ଟ୍ର ପାଇଁ ମୁଣ୍ଡବ୍ୟଥାର କାରଣ ପାଲଟିଛି। ଏବେଠାରୁ ମଣିଷ ସଚେତନ ନ ହେଲେ ପରିସ୍ଥିତି ଆହୁରି ଭୟଙ୍କର ହେବାସହ ଆଗାମୀ ପିଢ଼ି ତିଷ୍ଠି ରହିବା କଷ୍ଟକର ହେବ ବୋଲି କୁହାଯାଉଛି। ତେବେ କେବଳ ପ୍ଲାଷ୍ଟିକ୍‌ ନୁହେଁ, ବିଶ୍ୱର ସର୍ବାଧିକ ପ୍ରଦୂଷିତ ଇଣ୍ଡଷ୍ଟ୍ରି ମଧ୍ୟରେ ଆଗରେ ରହିଛି ଫ୍ୟାଶନ ଇଣ୍ଡଷ୍ଟ୍ରି। ଶସ୍ତା ଓ ମେଶିନ୍‌ରେ ପ୍ରସ୍ତୁତ ବସ୍ତ୍ର ପରିବେଶ ପାଇଁ ସବୁଠାରୁ ହାନିକାରକ ହୋଇଥିବାବେଳେ ସମଗ୍ର ବିଶ୍ୱର ବିଶେଷଜ୍ଞ ଏନେଇ ଚିନ୍ତାପ୍ରକାଶ କରୁଛନ୍ତି। ଏହାକୁ ଦୃଷ୍ଟିରେ ରଖି ବିଶ୍ୱର ଅଧିକାଂଶ ଉନ୍ନତ ରାଷ୍ଟ୍ର ଏବେ ସଷ୍ଟେନେବଲ୍‌ ତଥା ଦୀର୍ଘକାଳୀନ ଫ୍ୟାଶନ ଆଡ଼କୁ ମୁହାଁଇଛନ୍ତି। ପୁନଃ ବ୍ୟବହାର କରିହେଉଥିବା ତଥା ନବୀକରଣ ଯୋଗ୍ୟ ସାମଗ୍ରୀକୁ ଫ୍ୟାଶନ ଏବଂ ଲାଇଫଷ୍ଟାଇଲ୍‌ ଇଣ୍ଡଷ୍ଟ୍ରିରେ ବ୍ୟବହାର କରିବା ସହ ହସ୍ତତନ୍ତ ଯୁଗକୁ ପୁଣିଥରେ ଫେରାଇ ଆଣିବାକୁ ଉଦ୍ୟମ ହେଉଛି। ଏଭଳିସ୍ଥଳେ ଓଡ଼ିଶା ବେଶ୍‌ ଆଗରେ ରହିଥିବାବେଳେ ଓଡ଼ିଶାର ଯୁବ ଡିଜାଇନର୍‌ ଏବଂ ଫ୍ୟାଶନ ଇନ୍‌ଫ୍ଲୁଏନ୍ସର୍‌ମାନେ ସଷ୍ଟେନେବଲ୍‌ ଫ୍ୟାଶନକୁ ଗୁରୁତ୍ୱର ସହ ନେଇଛନ୍ତି। ଫଳରେ ଓଡ଼ିଶା ହ୍ୟାଣ୍ଡ୍‌ଲୁମ୍‌ ବର୍ତ୍ତମାନ ସମୟରେ ପୁଣିଥରେ ଲୋକପ୍ରିୟତା ଆଡ଼କୁ ମୁହାଁଇଛି।
ଓଡ଼ିଶାର ସଷ୍ଟେନେବଲ୍‌ ଫ୍ୟାଶନ କୁଇନ୍‌ଭାବେ ପରିଚିତ ବେନୋରିଟା ଦାସଙ୍କଠାରୁ ଆରମ୍ଭ କରି ରିମ୍‌ଲି ମହାନ୍ତି, ପ୍ରିତମ ପଣ୍ଡା, ପଙ୍କଜା ସେଠୀ, ଶ୍ୱେତା ପାରେଖ୍‌, ଜ୍ୟୋତ୍ସା ଦାସ, ସୁଜିତ ମେହେରଙ୍କ ଭଳି ଏକାଧିକ ଯୁବ ଡିଜାଇନର୍‌ ଅନ୍ତର୍ଜାତୀୟସ୍ତରରେ ଓଡ଼ିଶା ହସ୍ତତନ୍ତକୁ ପହଞ୍ଚାଇଛନ୍ତି। ସଷ୍ଟେନେବଲ୍‌ ଫ୍ୟାଶନକୁ ଲୋକଲୋଚନକୁ ଆଣିବା ସହ ଓଡ଼ିଶାର ହସ୍ତତନ୍ତକୁ ଆଉପାଦେ ଆଗକୁ ନେବାରେ ଏମାନେ ପ୍ରମୁଖ ଭୂମିକା ଗ୍ରହଣ କରିଛନ୍ତି। ସାମାଜିକ, ବ୍ୟବସାୟିକ ଏବଂ ପରିବେଶ ଉପଯୋଗୀ ଦୃଷ୍ଟିକୋଣରୁ ପାରମ୍ପରିକ ସହ ଆଧୁନିକତାର ଫ୍ୟୁଜନ୍‌ରେ ନୂତନ ଡିଜାଇନ୍‌ର ବସ୍ତ୍ର ପ୍ରସ୍ତୁତ କରି ଏମାନେ ଏକ ନୂଆ ଯୁଗର ଆରମ୍ଭ କରିଛନ୍ତି। ୟୁରୋପୀୟ ରାଷ୍ଟ୍ରଗୁଡ଼ିକରେ ହାତତିଆରି ଏବଂ ସବୁଜ ସାମଗ୍ରୀ ଧୀରେ ଧୀରେ ପୁଣିଥରେ ଲୋକପ୍ରିୟ ହେଉଥିବାବେଳେ ଓଡ଼ିଶା ମଧ୍ୟ ଏହି ଢାଞ୍ଚାକୁ ଆପଣାଇଛି। କେବଳ ଡିଜାଇନର୍‌ ନୁହେଁ, ରାଜ୍ୟର ଯୁବପିଢ଼ି ମଧ୍ୟ ଧୀରେ ଧୀରେ ହସ୍ତତନ୍ତ ଏବଂ ଖଦି ପୋଷାକ ପିନ୍ଧିବାକୁ ପସନ୍ଦ କରୁଛନ୍ତି। ଦେଶର ଅନ୍ୟ ରାଜ୍ୟଗୁଡ଼ିକରେ ହସ୍ତତନ୍ତର ସେଭଳି ଲୋକପ୍ରିୟତା ରହି ନ ଥିବାବେଳେ ଓଡ଼ିଶା କିନ୍ତୁ ଏ କ୍ଷେତ୍ରରେ ବେଶ୍‌ ଆଗରେ ରହିଛି। ବୁଣାକାରଙ୍କ ଦ୍ୱାରା ପ୍ରସ୍ତୁତ ହସ୍ତତନ୍ତକୁ ଆଧୁନିକ ଡିଜାଇନ୍‌ ଓ ନୂତନ ରଙ୍ଗରେ ପ୍ରସ୍ତୁତ କରାଯିବା ପରେ ତାହାର ଚାହିଦା ବଜାରରେ ବଢ଼ୁଛି। ବିଶେଷକରି ଗତ ୩ରୁ ୪ବର୍ଷ ମଧ୍ୟରେ ହସ୍ତତନ୍ତର ଚାହିଦା ବହୁ ପରିମାଣରେ ବୃଦ୍ଧି ପାଇଛି। ସମ୍ବଲପୁରୀ, ଇକତ୍‌, ପସାପାଲି, ଟସର ସିଲ୍‌କ ଭଳି ହସ୍ତତନ୍ତର ଚାହିଦା ବିଶ୍ୱ ବଜାରରେ ବଢ଼ିଥିବାବେଳେ ଇବେ, ଆମାଜନ୍‌, କ୍ରାଫ୍ଟଲୀ ଭଳି ଓ୍ବେବ୍‌ସାଇଟ୍‌ରେ ଏହା ବହୁଳ ଭାବେ ବିକ୍ରି ହେଉଛି।


Enter your email to get our daily news in your inbox.

All Right Reserved By Dharitri.Com

ସ୍ବାବଲମ୍ବୀ ଲକ୍ଷ୍ୟରେ ସ୍ବୟଂ ସହାୟିକା ଗୋଷ୍ଠୀର ମହିଳା

ପଞ୍ଚଲିଙ୍ଗେଶ୍ୱର,୧ା୧(ଲେଲିନ କୁମାର ଦେ): ବାଲେଶ୍ୱର ଜିଲା ଔପଦା ବ୍ଲକ ଅନ୍ତର୍ଗତ ଶ୍ୟାମସୁନ୍ଦରପୁର ପଞ୍ଚାୟତର ସନ୍ତରାଗଡ଼ିଆ ଏବଂ ଆଖପାଖ ଗ୍ରାମର ୩୦ରୁ ଊର୍ଦ୍ଧ୍ୱ ମହିଳା ବିଗତ ଦେଢ଼ବର୍ଷ...

ବୀଭତ୍ସ ହତ୍ୟା: ଗାଁ ଦାଣ୍ଡରେ ଯୁବକଙ୍କୁ ହାଣିଲେ, ପଣାଖୁଣ୍ଟିରେ ବଳିଦେଲେ ପିଶାଚ ଯୁବକ

ପରଜଙ୍ଗ,୧ା୧(ନିଗମାନନ୍ଦ ଦଳବେହେରା): ଢେଙ୍କାନାଳ ଜିଲା ପରଜଙ୍ଗ ଥାନା ବସୋଇ ଗାଁରେ ବୀଭତ୍ସ ହତ୍ୟାକାଣ୍ଡ। ଗାଁ ଦାଣ୍ଡରେ ଯୁବକଙ୍କୁ ଖଣ୍ଡାରେ ହାଣି ଗାଁ ଚୌପାଢ଼ିରେ ଥିବା ଠାକୁରାଣୀଙ୍କ...

ନୂଆବର୍ଷରେ ନୂଆ ଉପହାର: ଡିଜି ପାହ୍ୟାକୁ ପଦୋନ୍ନତି ପାଇଲେ ୩ ଆଇପିଏସ୍‌

ଭୁବନେଶ୍ୱର,୧ା୧: ରାଜ୍ୟ ସରକାର ନୂଆବର୍ଷରେ ୩ ବରିଷ୍ଠ ଆଇପିଏସ୍‌ଙ୍କୁ ନୂଆ ଉପହାର ଦେଇଛନ୍ତି। ଅର୍ଥାତ୍‌ ୩ ଆଇପିଏସ୍‌ଙ୍କୁ ଡିଜି ପାହ୍ୟାକୁ ସରକାର ପଦୋନ୍ନତି ଦେଇଛନ୍ତି। ୧୯୯୩...

ନୂଆବର୍ଷରେ ଭାଜପାକୁ ନେଇ ଏମିତି କହିଲେ ମନମୋହନ

ଭୁବନେଶ୍ୱର,୧।୧: ଭାଜପାକୁ ନେଇ ଲୋକଙ୍କ ବିଶ୍ୱାସ ଭରଷା ବଢ଼ିଛି। ଆଗାମୀ ପଞ୍ଚାୟତ ନିର୍ବାଚନରେ ଭାଜପା ଯଶସ୍ବୀ ହେବ ବୋଲି ଭାଜପା ସଭାପତି ମନମୋହନ ସାମଲ ନୂଆବର୍ଷରେ...

ବାଲିଗୁଡ଼ା ଆଇଟିଡିଏ ପ୍ରକଳ୍ପ ପ୍ରଶାସକ ଭାବେ କାର୍ଯ୍ୟରେ ଯୋଗଦେଲେ ଗଦାଧର ପାତ୍ର, କହିଲେ ଜନଜାତି…

ଦାରିଙ୍ଗବାଡ଼ି,୧ା୧(ଅରୁଣ ସାହୁ): କନ୍ଧମାଳ ଜିଲା ବାଲିଗୁଡ଼ା ସମନ୍ବିତ ଆଦିବାସୀ ଉନ୍ନୟନ ସଂସ୍ଥା (ଆଇଟିଡିଏ)ର ନୂଆ ପ୍ରକଳ୍ପ ପ୍ରଶାସକ ଭାବେ ଗଦାଧର ପାତ୍ର ନୂତନ ବର୍ଷ ବୁଧବାରରେ...

୨୦୨୪ରେ ରାଜଧାନୀରେ ଘଟିଛି ୬୬ ହତ୍ୟାକାଣ୍ଡ

ଭୁବନେଶ୍ୱର,୧ା୧: କମିଶନରେଟ ପୋଲିସର ବାର୍ଷିକ ଅପରାଧିକ ରିପୋର୍ଟ ବୁଧବାର ସାମ୍ନାକୁ ଆସିଛି। ୨୦୨୩ରେ ଭୁବନେଶ୍ୱର ୟୁପିଡିରେ ୧୧ ହଜାର ୯୭୫ ମାମଲା ରୁଜୁ ହୋଇଥିବାବେଳେ ୨୦୨୪ରେ...

ଖାଦ୍ୟ ଯୋଗାଣ ମନ୍ତ୍ରୀଙ୍କ ବଡ଼ ସୂଚନା: ଏହି ତାରିଖ ସୁଦ୍ଧା ସରିବ E-KYC

ଭୁବନେଶ୍ୱର,୧ା୧: ରାଜ୍ୟ ଖାଦ୍ୟ ଯୋଗାଣ ମନ୍ତ୍ରୀ କୃଷ୍ଣଚନ୍ଦ୍ର ପାତ୍ର ଇ-କଓ୍ବୋଇସିକୁ ନେଇ ନୂଆବର୍ଷରେ ବଡ଼ ସୂଚନା ଦେଇଛନ୍ତି। ସେ କହିଛନ୍ତି, ଆସନ୍ତା ୧୫ ତାରିଖ ସୁଦ୍ଧା...

ଆସନ୍ତା ଫେବୃଆରୀରୁ ଓଡ଼ିଶାରେ ଆରମ୍ଭ ହେବ ଆୟୁଷ୍ମାନ ଭାରତ ଯୋଜନା

ଭୁବନେଶ୍ୱର,୧।୧: ଓଡ଼ିଶାରେ ଆସନ୍ତା ଫେବୃଆରୀ ମାସରୁ ଲାଗୁ ହେବାକୁ ଯାଉଛି ଆୟୁଷ୍ମାନ ଭାରତ ଯୋଜନା। ଏଥିରେ ମହିଳାଙ୍କ ପାଇଁ ୧୦ ଓ ପୁରୁଷଙ୍କ ପାଇଁ ୫...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri