ଲକ୍ଷ୍ନୌ୍,୪।୬: ଏସ୍ପି-ବିଏସ୍ପି ମେଣ୍ଟକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଭବିଷ୍ୟବାଣୀ ସତ ହୋଇଛି। ମାତ୍ର ୧୧୨ ଦିନର ମେଣ୍ଟରେ ଫାଟ ବଢ଼ିବାରେ ଲାଗିଛି। ଆଗକୁ ଉତ୍ତରପ୍ରଦେଶରେ ହେବାକୁଥିବା ୧୧ଟି ବିଧାନସଭା ଉପନିର୍ବାଚନରେ ଏସ୍ପି ଏବଂ ବିଏସ୍ପି ଅଲଗା ଅଲଗା ଲଢ଼ିବେ ଏନେଇ ବିଏସ୍ପି ଅଧ୍ୟକ୍ଷା ମାୟାବତୀ ମଙ୍ଗଳବାର ଏକ ଖବରଦାତା ସମ୍ମିଳନୀରେ ସୂଚନା ଦେଇଛନ୍ତି। ଲୋକ ସଭା ନିର୍ବାଚନରେ ଏସ୍ପି ଅଧ୍ୟକ୍ଷ ଅଖିଳେଶ ଯାଦବ ସଦସ୍ୟଙ୍କ ମଧ୍ୟରେ କୌଣସି ପରିବର୍ତ୍ତନ ନ କରିବାରୁ ମେଣ୍ଟ ପ୍ରାର୍ଥୀ ପରାଜିତ ହୋଇଥିବା ଅଭିଯୋଗ କରିଛନ୍ତି ମାୟାବତୀ। ଫଳରେ ଏଣିକି ସାଇକେଲ-ହାତୀ ଏକଲା ଚାଲିବା ନିଶ୍ଚିତ ହୋଇଥିବା ରାଜନୈତିକ ସମୀକ୍ଷକ ମତପୋଷଣ କରିଛନ୍ତି।
