ଚିତ୍ରଡା,୧୯ା୧୦(ଡି.ଏନ୍.ଏ.)- କମିଶନି ଟଙ୍କା କରାଇଦେବାକୁ ଏଜେଣ୍ଟଙ୍କଠାରୁ ଲାଞ୍ଚ ନେବା ବେଳେ ମୟୂରଭଞ୍ଜ ଜିଲା ମୋରଡ଼ା ବ୍ଲକ ଅଧୀନ ଚିତ୍ରଡା ଉପ ଡାକଘରର ସହକାରୀ ପୋଷ୍ଟମାଷ୍ଟର ଶୁକ୍ରବାର ସିବିଆଇ ହାତରେ ଧରାପଡ଼ିଛନ୍ତି। ଭୁବନେଶ୍ୱରରୁ ଆସିଥିବା ଏକ ୬ ଜଣିଆ ସିବିଆଇ ଟିମ୍ ତାଙ୍କୁ ଗିରଫ କରିଛି। ଗିରଫ ସହକାରୀ ପୋଷ୍ଟମାଷ୍ଟର ହେଲେ ସ୍ନେହାଶିଷ ପରିଡା। ତାଙ୍କ ଡାକ ସର୍କଲରେ କାମ କରୁଥିବା ଏଜେଣ୍ଟମାନଙ୍କ କମିଶନି ଟଙ୍କା କରାଇ ଦେବାକୁ ସେ ଲାଞ୍ଚ ନେଉଥିବା ଅଭିଯୋଗ ହେଉଥିଲା। ସା ସମୟରେ ମୋରଡ଼ା ବ୍ଲକ ଅଧୀନ ଧାନସଲା ଗ୍ରାମର ବ୍ରଜ କିଶୋର ମହାନ୍ତଙ୍କଠାରୁ ସେ ୪୦୦୦ଟଙ୍କା ଲାଞ୍ଚ ନେଉଥିଲେ। ଏହି ସମୟରେ ସିବିଆଇ ଟିମ ଚଢ଼ାଉ କରି ତାଙ୍କଠାରୁ ଲାଞ୍ଚ ଟଙ୍କା ଜବତ କରିଥିବା ସିବିଆଇ ଟିମ୍ର ଇନ୍ସପେକ୍ଟର ପି. ସି. ସାହୁ କହିଛନ୍ତି। ସିବିଆଇ ଟିମ୍ ତାଙ୍କୁ ଗିରଫ କରି ଚିତ୍ରଡା ଫାଣ୍ଡିରେ ପଚରାଉଚରା ଚଳାଇଛି। ଉଲ୍ଲେଖଯୋଗ୍ୟ ଯେ, ବ୍ରଜ କିଶୋରଙ୍କ ସ୍ତ୍ରୀ କଳ୍ପନା ମହାନ୍ତ ଭୋଳାଗଡ଼ିଆ ଅଞ୍ଚଳର ପୋଷ୍ଟାଲ ଏଜେଣ୍ଟ ରହିଛନ୍ତି।
