ମାଲକାନଗିରି,୩ା୬(ସ୍ବ.ପ୍ର.): ମାଲକାନଗିରି ଜିଲା ଚିତ୍ରକୋଣ୍ଡା ଥାନା ଅନ୍ତର୍ଗତ କୁରୁମାନୁର ପଞ୍ଚାୟତ ସିଲେରୁ ନଦୀରେ ଡଙ୍ଗାବୁଡ଼ି ଜଣେ ଶିଶୁଙ୍କ ମୃତ୍ୟୁ ଘଟିଥିବାବେଳେ ଦୁଇ ନିଖୋଜ ଅଛନ୍ତି। ଡଙ୍ଗାଟି ପାଙ୍ଗମପଡୁ ବଙ୍ଗଳା କ୍ୟାମ୍ପରୁ ବଚଳୁର ଗ୍ରାମକୁ ଯାଉଥିଲା। ରବିବାର ଆନ୍ଧ୍ରପ୍ରଦେଶ ସିଲେରୁ ହାଟ ସାରି ଏକ ଦେଶୀଡଙ୍ଗାରେ ସତିବାବୁ ତାଙ୍କ ପତ୍ନୀ ପାର୍ବତୀ ଓ ୨ ବର୍ଷର ଝିଅ ଦିବ୍ୟଶ୍ରୀ ସହ ଅନ୍ୟ ୨ ଜଣ ମହିଳା ପାଳସୀ ବୁଲମା ଓ ବି. କ୍ରିଷ୍ଣା ବେଣୀଙ୍କ ସମେତ ୫ ଜଣ ଯିବା ସମୟରେ ଝଡ଼ ତୋଫାନ ଯୋଗୁ ଡଙ୍ଗାଟି ବୁଡ଼ି ଯାଇଥିଲା। ଏହି ଦୁର୍ଘଟଣାରେ ବୁଲମା ଓ କ୍ରିଷ୍ଣା ବେଣୀ ନିଖୋଜ ଅଛନ୍ତି। ବର୍ତ୍ତମାନ ସୁଦ୍ଧା କୌଣସି ପ୍ରଶାସନିକ ଅଧିକାରୀ ଘଟଣାସ୍ଥଳକୁ ଯାଇନାହାନ୍ତି ।
