ହାଟଡିହୀ, ୨।୫(ଡି.ଏନ୍.ଏ.): କେନ୍ଦୁଝର ଜିଲା ହାଟଡିହୀ ବ୍ଲକର ୪୫ଜଣ ପ୍ରବାସୀ ଓଡ଼ିଆ ସୁରଟରୁ ଫେରୁଛନ୍ତି। ଗତ ଏପ୍ରିଲ ୩୦ ତାରିଖରୁ ଗୁରୁବାର ନିଜସ୍ବ ଖର୍ଚ୍ଚରେ ସେମାନେ ଏକ ବସ୍ ଭଡା କରି ଶନିବାର ଦିନ ପହଞ୍ଚିବେ ବୋଲି ଜଣାପଡିଛି। ଏହି ବସରେ ମୋଟ ୫୬ ଜଣ ଅଛନ୍ତି। ସେମାନଙ୍କ ମଧ୍ୟରୁ ହାଟଡିହୀ ବ୍ଲକ କଳିଙ୍ଗା, ରମ୍ପାସ, ଶାଳନିଆ, ଇଞ୍ଚଳ, ଷଡ଼ଙ୍ଗ,ମରେଈଗା ପଞ୍ଚାୟତର ୪୫ ଜଣ, ଘସିପୁରା ବ୍ଲକ ଗୋହିରାର ୨ ଜଣ, ଆନନ୍ଦପୁର ବ୍ଲକ କାଠକଟାର ୨ ଜଣ ଏବଂ ଭଦ୍ରକ ଜିଲା ବସନ୍ତିଆ, ନାଆମି, ବନ୍ତ ଅଞ୍ଚଳର ୭ ଜଣ ଫେରୁଛନ୍ତି। ପହଞ୍ଚିବା ପରେ ପ୍ରବାସୀ ଓଡ଼ିଆଙ୍କୁ ପଞ୍ଚାୟତ ମାନଙ୍କରେ ଖୋଲା ଯାଇଥିବା ଆଇସୋଲେଶନ କେନ୍ଦ୍ରରେ ରଖାଯିବ ବୋଲି ସରପଞ୍ଚ କହିଛନ୍ତି।
