ବହୁ ପ୍ରତୀକ୍ଷିତ ଫିଲ୍ମ ‘ସୂର୍ଯ୍ୟବଂଶୀ’ରେ ଖିଲାଡି ହିରୋ ଅକ୍ଷୟ କୁମାରଙ୍କ ପ୍ରଥମ ଲୁକ୍ ରିଲିଜ୍ ହୋଇଛି। ଅକ୍ଷୟଙ୍କ ସହ ଅଭିନେତା ଅଜୟ ଦେବଗନ୍ ଏବଂ ରଣବୀର ସିଂହଙ୍କୁ ମଧ୍ୟ ଦେଖିବାକୁ ମିଳୁଛି। ଫିଲ୍ମରେ ଅକ୍ଷୟଙ୍କ ଏହି ଲୁକ୍କୁ ରିଲାଏନ୍ସ ଏଣ୍ଟରଟେନ୍ମେଣ୍ଟ ନିଜ ଅଫିସିଆଲ ଆକାଉଣ୍ଟରେ ରିଲିଜ୍ କରିଛି। ଏଥିରେ ଅକ୍ଷୟ ପୋଲିସ ପୋଷାକ ପିନ୍ଧିଥିବା ବେଳେ କଳା ଚଷମା ଲଗାଇଛନ୍ତି। ଅଜୟ ଏବଂ ରଣବୀରଙ୍କ କାନ୍ଧରେ ସେ ହାତ ପକାଇ ଛିଡ଼ା ହୋଇଥିବା ଦୃଶ୍ୟ ଦେଖିବାକୁ ମିଳୁଛି। ସୋସିଆଲ ମିଡିଆରେ ଭାଇରାଲ ହେଉଥିବା ଅକ୍ଷୟଙ୍କ ଏହି ଲୁକ୍କୁ ପ୍ରଶଂସକମାନେ ଖୁବ୍ ପସନ୍ଦ କରୁଛନ୍ତି। ଆଗାମୀ ବର୍ଷ ମାର୍ଚ୍ଚ ୨୭ରେ ଫିଲ୍ମଟି ରିଲିଜ୍ ହେବ।
