ନୂଆଦିଲ୍ଲୀ,୧୩।୮: କଂଗ୍ରେସ ଅଧ୍ୟକ୍ଷା ଭାବେ ୟୁପିଏ ଅଧ୍ୟକ୍ଷା ସୋନିଆ ଗାନ୍ଧୀ ଡୋର ଧରିଛନ୍ତି। ସେ ଦଳର ସାଂଗଠନିକ କ୍ଷେତ୍ରରେ କେତେକ ପରିବର୍ତ୍ତନ ଆଣିବା ପାଇଁ ରଣନୀତି ପ୍ରସ୍ତୁତ କରିଛନ୍ତି। ଏଣିକି ଦଳର ଜଣେ ବ୍ୟକ୍ତି ଗୋଟିଏ ପଦବୀରେ ଅବସ୍ଥାପିତ ହେବେ। ଏକାଧିକ ପଦବୀ ନିଜ ପାଖରେ ରଖିଥିବା ସଦସ୍ୟଙ୍କ ଠାରୁ ସେମାନଙ୍କର ପଦବୀରୁ ଅଲଗା କରାଯିବ। ନିଜେ ସୋନିଆ ୟୁପିଏ ଅଧ୍ୟକ୍ଷା ଏବଂ ଦଳର ଅଧ୍ୟକ୍ଷା ଅଛନ୍ତି। ତେବେ ଦୁଇଟି ଯାକ ପଦବୀରେ କୌଣସି ଅସମାନତା ନ ଥିବାରୁ ସୋନିଆ ଏହି ପଦବୀରେ ରହିପାରିବେ। ଅପରପକ୍ଷରେ ଗୁଲାମନବୀ ଆଜାଦ୍, କମଳନାଥ, ସଚିନ୍ ପାଇଲଟ୍, ନାନା ପୋଟଲେ, ନୀତିନ ରାଓ୍ବତ, ଉମଙ୍ଗ ସିଙ୍ଗାର ଆଦି ସଦସ୍ୟ ଏକାଧିକ ପଦବୀ ନିଜ ପାଖରେ ରଖିଛନ୍ତି। ସେମାନେ ଏବେ ଯେ କୌଣସି ଗୋଟିଏ ପଦବୀରେ ରହିବେ ବୋଲି ଚର୍ଚ୍ଚା ହେଉଛି।
