ଗରମରେ ବରଫ ତରଳିବା ସାଧାରଣ କଥା। ମାତ୍ର ଯଦି କୁହାଯାଏ ଗରମରେ ମାଛ ବି ତରଳିପାରେ, ତେବେ କଥା ଉପରେ ଅନେକେ ବିଶ୍ୱାସ କରି ନ ପାରନ୍ତି। ହେଲେ ବୈଜ୍ଞାନିକମାନେ ଏଭଳି ଏକ ମାଛକୁ ଆବିଷ୍କାର କରିଛନ୍ତି, ଯାହାକୁ ପାଣି ଉପରକୁ ଆଣିବା ମାତ୍ରେ ତାହା ବରଫ ଭଳି ତରଳିଥାଏ। ଏହି ମାଛଟି ହେଲା ସ୍ନେଲଫିସ୍। କ୍ୟାମେରା ମାଧ୍ୟମରେ ଏହି ମାଛର କିଛି ଫଟୋ ଉଠାଇବାରେ ବୈଜ୍ଞାନିକମାନେ ସଫଳ ମଧ୍ୟ ହୋଇଛନ୍ତି।
ପ୍ରଶାନ୍ତ ମହାସାଗରର ୮ କିମି ତଳେ ମାଛର ଏହି ପ୍ରଜାତି ମିଳିଥାଏ। ସେହିଭଳି ପେରୁ ଏବଂ ଚିଲି ଉପକୂଳଠାରୁ ୧୬୦କିମି ଦୂର ତଲହଟିରେ ମଧ୍ୟ ଏହି ମାଛ ଥିବା ଜଣାପଡ଼ିଛି। ଏହା ଦେଖିବାକୁ ବଡ଼ ବିଚିତ୍ର।
ସ୍ନେଲଫିସ୍ ସମୁଦ୍ର ତଳେ ରହିବାକୁ ପସନ୍ଦ କରିଥାଏ। କାରଣ ଏଠାରେ ପାଣି ଥଣ୍ଡା ଥାଏ। ଏହି ମାଛ ଜେଲି ପରି ହୋଇଥିବା ବେଳେ ଦୁର୍ବଳ ହୋଇଥାନ୍ତି। ଫଳରେ ଉପରକୁ ଆସିବା କ୍ଷଣି ତରଳି ଯାଇଥାନ୍ତି। ଏହି ମାଛର କାନ ଏବଂ ଦାନ୍ତରେ ମଜଭୂତ ହାଡ଼ ରହିଥାଏ। ଏହା ତାକୁ ସମୁଦ୍ର ମଧ୍ୟରେ ପାଣିର ପ୍ରଖର ସ୍ରୋତକୁ ସମ୍ଭାଳି ନେବାରେ ସହାୟକ ହୋଇଥାଏ।
