ଡେରାଡୁନ,୨୬।୬(ପି.ଟି.): ଭାରତମାତା ଜନହିତ ଟ୍ରଷ୍ଟ୍ର ମୁଖ୍ୟ ତଥା ବିଶିଷ୍ଟ ସନ୍ଥ ସ୍ବାମୀ ସତ୍ୟମିତ୍ରାନନ୍ଦ ଗିରି ମହାରାଜ ମଙ୍ଗଳବାର ଶେଷନିଃଶ୍ୱାସ ତ୍ୟାଗ କରିଛନ୍ତି। ସେ ଦୀର୍ଘଦିନ ହେଲା ଶଯ୍ୟାଶାୟୀ ଥିଲେ। ତାଙ୍କୁ ୮୭ ବର୍ଷ ହୋଇଥିଲା। କିଛିଦିନ ହେଲା ସେ ସ୍ଥାନୀୟ ହସ୍ପିଟାଲ୍ରେ ଚିକିତ୍ସାଧୀନ ଥିଲେ ବୋଲି ଆଚାର୍ଯ୍ୟ ମହାମଣ୍ଡଳେଶ୍ୱର ସ୍ବାମୀ ଅବଧେଶାନନ୍ଦ ଗିରି ମହାରାଜ ପ୍ରକାଶ କରିଛନ୍ତି। ବୁଧବାର ହରିଦ୍ୱାରସ୍ଥିତ ରାଘବ କୁଟିରରେ ତାଙ୍କୁ ସମାଧି ଦିଆଯିବ। ତାଙ୍କ ବିୟୋଗ ଆଧ୍ୟାତ୍ମିକ ଜଗତ ପାଇଁ ଏକ ବଡ କ୍ଷତି ବୋଲି ବହୁ ରାଜନୈତିକ ଓ ଧର୍ମୀୟ ନେତାମାନେ ପ୍ରକାଶ କରିଛନ୍ତି। ଉପରାଷ୍ଟ୍ରପତି ଏମ୍. ଭେଙ୍କାୟା ନାଇଡୁ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତାଙ୍କ ବିୟୋଗରେ ଶୋକବ୍ୟକ୍ତ କରିିଛନ୍ତି।
