ମନରେ ଦୃଢ଼ ବିଶ୍ୱାସ ଏବଂ ଆତ୍ମବଳ ଥିଲେ ଲକ୍ଷ୍ୟ ସ୍ଥଳରେ ପହଞ୍ଚିବାରେ କେହି ବି ରୋକିପାରିବେ ନାହିଁ। ଏହି ଉକ୍ତିକୁ ସତ କରି ଦେଖାଇଛନ୍ତି ଉତ୍ତରପ୍ରଦେଶ କୁଶୀନଗରର ନୀରଜ ରାୟ। ଜନ୍ମରୁ ତାଙ୍କର ଦୁଇ ହାତ ନାହିଁ। କିନ୍ତୁ ଏହି ଦିବ୍ୟାଙ୍ଗପଣ କେବେ ତାଙ୍କୁ ଦୁର୍ବଳ କରିପାରି ନାହିଁ। ହାତ ନଥିଲେ କ’ଣ ହେଲା, ମନରେ ସାହାସ, ଧୈର୍ଯ୍ୟ ଏବଂ ଦୃଢ଼ ଇଚ୍ଛାଶକ୍ତି ତ ଅଛି। ହାତ ନଥାଇ ବି ଆଜି ସେ ଟ୍ରାକ୍ଟର ଚଳାଇ ନିଜର ଏକ ଅଜବ ଟ୍ୟାଲେଣ୍ଟ୍ର ପରାକାଷ୍ଠା ଦେଖାଇପାରିଛନ୍ତି। ସ୍ଥାନୀୟ ଅଞ୍ଚଳରେ ସୁପର୍ହିରୋ ଭାବେ ସେ ପରିଚିତ। ଦିବ୍ୟାଙ୍ଗ ଯୋଗୁ ଯେଉଁଠି ଅନ୍ୟମାନେ ନିଜ ଭାଗ୍ୟକୁ ଦୋଷ ଦେବାରେ ଲାଗିଛନ୍ତି, ସେଠାରେ ନୀରଜ ପ୍ରେରଣାର ଉତ୍ସ ପାଲଟିଛନ୍ତି। ଟ୍ରାକ୍ଟର ଚଳାଇ କ୍ଷେତବାଡ଼ି କଥା ବୁଝିବା ସହ ସେ ଆହୁରି ଅନେକ କାମ କରିବାରେ ଧୁରନ୍ଧର, ଯାହାକୁ ଲୋକଙ୍କ ପକ୍ଷରେ ବିନା ହାତରେ କରିବା ଅସମ୍ଭବ। ନିଜର ଦୈନନ୍ଦିନ ଜୀବନର ବିଭିନ୍ନ ଛୋଟବଡ଼ କାମଠୁ ନେଇ ଲୋକଙ୍କୁ ସାହାଯ୍ୟ କରିବା ପର୍ଯ୍ୟନ୍ତ ସବୁକାମ ସେ ଗୋଡ଼ରେ ହଁି କରିଥାନ୍ତି। ନୀରଜଙ୍କ ସାହସ ଦେଖିଲେ ଲାଗେ ବିନା ହାତରେ ବି ସେ ଦୁନିଆର ବିଭିନ୍ନ ଚ୍ୟାଲେଞ୍ଜ୍ ସହ ଲଢ଼େଇ କରିବାରେ ସମର୍ଥ।
