ଛତ୍ରପୁର, ୬।୫(ଡି.ଏନ୍.ଏ.)- ଗଞ୍ଜାମ ଜିଲାକୁ ସୁରଟ, କେରଳରୁ ପ୍ରବାସୀମାନେ ଆସିବାରେ ଲାଗିଛନ୍ତି। ଏହି ପ୍ରବାସୀମାନଙ୍କ ମଧ୍ୟରେ କେତେକ ଗର୍ଭବତୀ ରହିଥିବା ଦେଖାଯାଇଛି। ଆବଶ୍ୟକ ହେଲେ କ୍ୱାରାଣ୍ଟାଇନ ସେଣ୍ଟରରେ ଥିବା ପ୍ରବାସୀ ଗର୍ଭବତୀଙ୍କୁ ହୋମ କ୍ୱାରେଣ୍ଟାଇନରେ ରଖାଯାଇପାରିବ। ଏନେଇ ଜିଲାର ସମସ୍ତ ୨୨ ବିଡିଓଙ୍କୁ ଜ଼ିଲାପାଳ ବିଜୟ ଅମୃତା କୁଲାଙ୍ଗେ ନିର୍ଦ୍ଦେଶ ଦେଇଥିବା ଜଣାପଡିଛି। ସ୍ବାସ୍ଥ୍ୟକର୍ମୀମାନେ ଏମାନଙ୍କ ସହ କ୍ୱାରାଣ୍ଟାଇନରେ ଥିବା ସମସ୍ତ ପ୍ରବାସୀଙ୍କ ଉପରେ ନଜର ରଖିବେ । ଆବଶ୍ୟକ ହେଲେ ସେମାନେ ଏ ସମ୍ପର୍କରେ ଏଏନ୍ଏମଙ୍କୁ ଖବର ଦେବେ। ଏଏନ୍ଏମ୍ମାନେ ମେଡିକାଲ ଟିମ୍କୁ ଜଣାଇବେ। ଏନେଇ ଜ଼ିଲା ସ୍ବାସ୍ଥ୍ୟ ବିଭାଗ ପକ୍ଷରୁ ନିର୍ଦ୍ଦେଶନାମା ଜାରି କରାଯାଇଛି।
