ଗୁଡଭେଲା,୨୨ା୪(ଡି.ଏନ୍.ଏ.) : କରୋନା ମୁକାବିଲା ପାଇଁ ସରକାରଙ୍କ ନିର୍ଦ୍ଦେଶ ଅନୁଯାୟୀ ବଲାଙ୍ଗୀର ଜିଲା ଗୁଡଭେଲା ବ୍ଲକ ଅନ୍ତର୍ଗତ ୧୩ଟି ପଞ୍ଚାୟତରେ ୧୩ ଆଇସୋଲେଶନ କେନ୍ଦ୍ର ଖୋଲାଯାଇଥିବା ବେଳେ ୪୩୫ଟି ଶଯ୍ୟା ପ୍ରସ୍ତୁତ ରହିଛି। ଏହି ସମସ୍ତ କେନ୍ଦ୍ରକୁ ବ୍ଲକ ଅଧ୍ୟକ୍ଷ ତଥା କେନ୍ଦ୍ର ସମବାୟ ବ୍ୟାଙ୍କ ନିର୍ଦ୍ଦେଶକ ଅଶୋକ ଚନ୍ଦ୍ର ଦୋରା ବୁଲି ଦେଖିବା ସହ ତଦାରଖ କରିଛନ୍ତି। ଉକ୍ତ କେନ୍ଦ୍ରଗୁଡ଼ିକରେ ଜଣେ ଲେଖାଏ ନୋଡାଲ ଅଫିସରଙ୍କୁ ନିୟୋଜିତ କରାଯାଇଛି। ଏହିସବୁ କେନ୍ଦ୍ରରେ ପାଣି, ବେଡ୍ସିଟ୍, ସାବୁନ, ସାନିଟାଇଜର, ପାଇଖାନା, ବିଦ୍ୟୁତ୍ ଏବଂ ରନ୍ଧାଖାଦ୍ୟ ଦେବାର ବ୍ୟବସ୍ଥା ମଧ୍ୟ କରାଯାଇଛି। ଲକ୍ଡାଉନ୍ ପରେ ଏହି ବ୍ଲକ ବାହାରେ କାର୍ଯ୍ୟ କରୁଥିବା ପ୍ରାୟ ୭ ଶହ ଲୋକ ଆସିବାର ସମ୍ଭାବନା ରହିଥିବା ବ୍ଲକ ପ୍ରଶାସନର ଏକ ସର୍ଭେରୁ ଜଣାପଡ଼ିଛି।
