ବୁଗୁଡ଼ା,୨୮ା୭(ଡି.ଏନ.ଏ.): ଗଞ୍ଜାମ ଜିଲା ବୁଗୁଡ଼ା ଥାନା ଅଞ୍ଚଳରେ ୨ ଜଣ ଯୁବକଙ୍କ ତଣ୍ଟି ବ୍ଲେଡରେ କାଟିବା ନେଇ ଶନିବାର ଥାନାରେ ଅଭିଯୋଗ ହୋଇଛି। ପୋଲିସ ନଂ. ୧୪୮/୧୯ରେ ଏକ ମାମଲା ରୁଜୁ କରି ୩ ଯୁବକଙ୍କୁ ଥାନାରେ ଅଟକ ରଖିତ୍ଥିବା ଆଇଆଇସି ସୀତାଂଶୁ ଶେଖର ମାନ୍ଧାତା କହିିଛନ୍ତି। ପ୍ରକାଶ ଯେ, ଶୁକ୍ରବାର ରାତି ପ୍ରାୟ ୯ ଟାରେ ଉକ୍ତ ଥାନା ପଙ୍କଳ ସାହି ଗ୍ରାମ ନିକଟ ଏକ ବିଶ୍ରାମାଗାରରେ ସେହି ଗ୍ରାମର ୩ଜଣ ଯୁବକ ନିଶାସକ୍ତ ଅବସ୍ଥାରେ ବସିଥିଲେ। କିଛି ସମୟ ପରେ ସେଠାରେ ବୁଗୁଡ଼ା ଥାନା ବି.ବ୍ରହ୍ମପୁରର ଅମର ବେହେରା, ରାମ ବେହେରା ଓ କଳ୍କି ପଲାଇ ଆସି ପହଞ୍ଚତ୍ଥିଲେ। ପୂର୍ବ ଶତ୍ରୁତାକୁ ନେଇ ଉଭୟ ଗୋଷ୍ଠୀ ମଧ୍ୟରେ ପାଟିତୁଣ୍ଡ ସହ ମାରପିଟ ହୋଇଥିଲା। ପରେ ସମ୍ପୃକ୍ତ ୩ଜଣ ଯୁବକ ଅମର ଓ ରାମ ବେହେରାଙ୍କୁ ମାଡ଼ି ବସି ତାଙ୍କ ତଣ୍ଟି ବ୍ଲେଡରେ କାଟି ଦେଇ ରକ୍ତାକ୍ତ ଅବସ୍ଥାରେ ଛାଡ଼ି ଦୌଡ଼ି ପଳାଇଥିଲେ। ଏହି ସମୟରେ କଳ୍କି ସେଠାରୁ ଖସି ଆସି ଥାନାରେ ଅଭିଯୋଗ କରିଥିଲେ। ଖବର ପାଇ ବି. ବ୍ରହ୍ମପୁରର କେତେଜଣ ଲୋକ ପହଞ୍ଚତ୍ ଗୁରୁତରଙ୍କୁ ବୁଗୁଡ଼ା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ। ପରେ ସେମାନଙ୍କୁ ବ୍ରହ୍ମପୁର ମେଡିକାଲକୁ ପଠାଯାଇଥିଲା। ବୁଗୁଡ଼ା ପୋଲିସ ଆକ୍ରମଣ କରିଥିବା ୩ ଜଣଙ୍କୁ ଧରି ଥାନାରେ ଅଟକ ରଖିଛି।
